ឥណ្ឌា ៖ វេជ្ជបណ្ឌិតកំពូលថាឥណ្ឌា មិនអាចជៀសផុតពីរលកទី៣បានទេ
មឹង ច័ន្ទសុម៉ានីតា
ក្រុមគ្រូពេទ្យកំពូលៗ និងពូកែៗរបស់ឥណ្ឌាបាន ដាស់តឿនថា រលកទីបីនៃជំងឺ កូវីដ១៩ គឺអាចវាយលុកគ្រប់ពេលដោយជៀសមិនរួចដោយសារការរឹតបន្តឹងការធ្វើដំណើរ មានចាប់ផ្តើមមានសភាពធូរស្រាលទូទាំងប្រទេស។
រូបថតនិងវីដេអូរបស់អ្នកទេសចរដែល ធ្វើដំណើរទៅកាន់គោលដៅពេញនិយម បានរីករាលដាលនៅតាមបណ្តាញសង្គមប៉ុន្មានថ្ងៃថ្មីៗនេះ។ វីដេអូនិងរូបថតបង្ហាញ ថា ពួកគេភាគច្រើនមិនបានពាក់ម៉ាស់រ និង រក្សាសង្គម នៅតាមទីសាធារណៈទេ។ ករណីថ្មី ប្រចាំថ្ងៃនៅក្នុងប្រទេសឥណ្ឌា បានធ្លាក់ចុះមកនៅត្រឹមជាង ៤០.០០០ នាក់ក្នុងប៉ុន្មានសប្តាហ៍ថ្មីៗនេះ ដែលធ្លាក់ចុះពីកម្រិតកំពូលនៃ ៤០០.០០០ នាក់នៅក្នុងខែឧសភា។ ការធ្លាក់ចុះនៃ. ចំនួននេះភាគច្រើន ត្រូវបានបណ្តាលមកពីការបិទទ្វារយ៉ាងតឹងរឹងដោយរដ្ឋដែលកំពុងត្រូវបានបន្ធូរបន្ថយ។
ទោះបីជាករណីឆ្លង កំពុងថយចុះក្តី អ្នកជំនាញបារម្ភ ថាប្រទេសឥណ្ឌា អាចប្រឈមនឹងហានិភ័យនៃការឆ្លងមេរោគទី ៣ ដ៏មានសក្តានុពលខណៈដែលជាង ៦% នៃប្រជាជន បានទទួលបានការចាក់វ៉ាក់សាំងពេញលេញនិងប្រហែល ២២%នៃប្រជាជនសរុប បានទទួលយ៉ាងហោចណាស់មួយដូស។
កាលពីខែមេសា មានមនុស្សរាប់លាននាក់ បានប្រមូលផ្តុំ គ្នានៅទីប្រជុំ ជន និងតំបន់ហិម៉ាល័យ ដើម្បីចូលរួមក្នុងពិធីបុណ្យ កូឡាម៉ាឡា ដែលធ្វើឲ្យមានការស្ទះកកកុញ។ ទោះបីជាទីក្រុងជាច្រើន បានជួបប្រទះការខ្វះខាតអុកស៊ីសែន និងគ្រែមន្ទីរពេទ្យយ៉ាងធ្ងន់ធ្ងរក៏ដោយ។ ហើយអ្វីដែលគួរឲ្យបារម្ភគឺអ្នកធ្វើដំណើរត្រឡប់មកវិញមួយចំនួន ដែលមកត្រឡប់មកពីចូលរួមពិធីបុណ្យ បានធ្វើតេស្តវិជ្ជមាន។ ។
ប្រទេសឥណ្ឌាកំពុងប្រតិបតិ្តការចាក់វ៉ាក់សាំងចំនួនជាង៤ លាននាក់ក្នុងមួយថ្ងៃៗ ប៉ុន្តែវាត្រូវតែឈានដល់ចំនួន ៨-៩ លាននាក់ក្នុងមួយថ្ងៃដើម្បី ឈានដល់គោលដៅរបស់ខ្លួនក្នុងការចាក់វ៉ាក់សាំង ដល់មនុស្សគ្រប់រូបដែលមានអាយុលើសពី ១៨ ឆ្នាំនៅចុងឆ្នាំនេះ។
ប្រភព៖
India Covid-19: Top India doctors say third wave inevitable
