(អង់គ្លេស)៖ បើតាមការបញ្ជាក់ពីប៉ូលិសអង់គ្លេស ដែលត្រូវបានចុះផ្សាយដោយសារព័ត៌មាន CNA នាយប់ថ្ងៃទី២១ ខែកក្កដា ឆ្នាំ២០២១ បានអោយដឹងថា កីឡាករបាល់ទាត់ម្នាក់ដែលលេងនៅលីគ Premier League មិនត្រូវបានគេបញ្ចេញឈ្មោះ ត្រូវបានប៉ូលិសចាប់ខ្លួន នៅថ្ងៃសុក្រ ហើយត្រូវបានសាកសួរដោយប៉ូលិស មុនពេលដោះលែង ឲ្យនៅក្រៅឃុំ ដោយជាប់សង្ស័យពីបទរំលោភផ្លូវភេទលើកុមារ ។
កីឡាករបាល់ទាត់នោះ ត្រូវបានបញ្ឈប់ជាបណ្តោះអាសន្ន ដោយក្លិបរបស់លោក ស្របពេលដែលការស៊ើបអង្កេតកំពុងបន្ត។ ក្លិប បានលើកឡើងថា ខ្លួននឹងជួយជាមួយនឹងការសាកសួរនេះ។

សូមបញ្ជាក់ថា ក្លិប Everton លេងនៅលីគ Premier League ក្រោយមកបានចេញសេចក្តីថ្លែងការណ៍មួយថា ខ្លួនបានបញ្ឈប់ជាបណ្តោះអាសន្ន នូវកីឡាករម្នាក់ ស្ថិតក្នុងក្រុមជម្រើសដំបូងរបស់ខ្លួន ដោយសារមានការស៊ើបអង្កេតពីប៉ូលិស៕