យោងតាម Facebook Page របស់ឯកឧត្ដម ហ៊ុន ម៉ានី នៅព្រឹកថ្ងៃទី២៣ ខែកក្កដា ឆ្នំា២០២១   ឯកឧត្ដម បានផ្ញើរសារចូលរួមរំលែកទុក្ខ និងសោកស្តាយចំពោះការបាត់បង់ជីវិត និងទ្រព្យសម្បត្តិ ដោយសារគ្រោះទឹកជំនន់ នៅខេត្ត Henan ប្រទេសចិន។

ដោយឯកឧត្ដមបានសរសេរថា កាលពីពេលថ្មីៗនេះ ទឹកភ្លៀងដែលបាននិងកំពុងបន្តបង្អោរខ្លាំងជោគជាំ បានឆក់យកជីវិតមនុស្ស និងបណ្តាលឲ្យខូចខាតយ៉ាងដំណំដល់ហេដ្ឋារចនាសម្ព័ន្ធ ក៏ដូចជាទ្រព្យសម្បត្តិឯកជនជាច្រើន នៅភាគកណ្តាលនៃខេត្ត Henan ប្រទេសចិន។

ស្ថិតក្នុងវេលាលំបាកនេះ ក្នុងនាមខ្លួនខ្ញុំផ្ទាល់ ខ្ញុំសូមចូលរួមរំលែកទុក្ខ និងសោកស្តាយជាពន់ពេកចំពោះការបាត់បង់ជីវិត និងទ្រព្យសម្បត្តិទាំងនោះ និងសូមបួងសួងសូមឲ្យស្ថានភាពដ៏អាក្រក់នេះ ឆាប់បានស្រាកស្រាន្ត ដែលនឹងអនុញាតិឲ្យប្រជាពលរដ្ឋបានត្រឡប់ទៅកាន់ជីវភាព និងសភាពដើមវិញក្នុងពេលឆាប់​ៗ។

Our thoughts and prayers are with the people of China, in light of severe torrential rain in Henan province– Hun Many.