អ្នកដែលធ្លាប់បានទៅ ភោជនីយដ្ឋាន កុងហ្វូឃីតឈិន (Kung Fu Kitchen) ត្រូវប្រញាប់ធ្វើ ចត្តាឡីស័ក និងតាមដានសុខភាព។ ភោជនីយដ្ឋាន កុងហ្វូឃីតឈិន (Kung Fu Kitchen) មានទីតាំង ស្ថិតនៅផ្លូវ៣០២ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ។ អនុគណៈកម្មការស្រាវជ្រាវជំងឺកូវីដ-១៩ បានជូនដំណឹងថា មានអ្នកជំងឺកូវីដ១៩ បានចូលហូបអាហារនៅ ភោជនីយដ្ឋាន កុងហ្វូឃីតឈិន (Kung Fu Kitchen) នោះ។ អនុគណៈកម្មការស្រាវជ្រាវ បានអំពាវនាវដល់ប្រជាពលរដ្ឋ ដែលធ្លាប់បានទៅទីកន្លែង និងពេល វេលានោះ កាលពីថ្ងៃទី ១៨ ខែកក្កដា ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដាន សុខភាពរបស់ខ្លួនរយៈ ពេល ១៤ ថ្ងៃ។