កូវីដ៖ ឆ្លងប្រចាំថ្ងៃនៅប្រទេសថៃហក់ឡើងដល់កម្រិតដ៏ខ្ពស់ថ្មីទៀត
ទីភ្នាក់ងារសារព័ត៌មាន The Nation បានចេញផ្សាយនៅព្រឹកថ្ងៃទី២៨ កក្កដា ២០២១នេះថា ថៃមានករណីឆ្លងកូវីដ១៩ប្រចាំថ្ងៃ ឈានដល់កម្រិតខ្ពស់ខ្លាំងមួយទៀត គឺជាង១៦០០០ករណី។
ប្រភពថា ក្នុងពេល២៤ម៉ោងចុងក្រោយមកនេះ ថៃមានឆ្លងថ្មី ១៦៥៣៣នាក់ ស្លាប់មនុស្សព្រោះជំងឺនេះ ១៣៣នាក់ទៀត។ ក្នុងចំណោមឆ្លងថ្មី ក៏មានឆ្លងក្នុងពន្ធនាគារចំនួនជាង២០០ករណីទៀតដែរ។
ជាការកត់សម្គាល់ មួយរយៈចុងក្រោយនេះ ថៃមិនដែលឆ្លងប្រចាំថ្ងៃដល់ជាង១៦០០០នាក់នោះទេ គឺត្រឹមជាង១ម៉ឺននាក់ ឬ ជាង១៥០០០នាក់៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
