អ្នកគាំទ្រតោខៀវ Chelsea ដែលចាក់វ៉ាក់សាំងគ្រប់ចំនួន ឬតេស្តិ៍អវិជ្ជមាន Covid-19 ទើបអាចចូលទស្សនាការប្រកួតបាន
បើតាមការចុះផ្សាយរបស់ BBC Sport នៅថ្ងៃនេះបានអោយដឹងថា អ្នកគាំទ្រ ដែលចូលរួមទស្សនាការប្រកួត របស់ក្លឹបទាំងអស់ នឹងចាំបាច់ត្រូវបង្ហាញថាពួកគេត្រូវបានចាក់វ៉ាក់សាំងគ្រប់ចំនួន ឬបង្ហាញភស្តុតាងនៃការធ្វើតេស្តិ៍ Covid-19 អវិជ្ជមាន ។ ដែលច្បាប់នេះ នឹងត្រូវអនុវត្តសម្រាប់ការប្រកួតមិត្តភាពផ្នែកបុរសទល់នឹង Tottenham នៅថ្ងៃទី ៤ ខែសីហាខាងមុខនេះ។
បច្ចុប្បន្ននេះ រដ្ឋាភិបាលកំពុងពិចារណា លើផែនការសម្រាប់អ្នកគាំទ្រ ដែលចូលរួមព្រឹត្តិការណ៍កីឡាជាង២ ម៉ឺននាក់ ឬច្រើនជាងនេះ ដែលត្រូវបង្ហាញភស្តុតាងនៃការចាក់វ៉ាក់សាំងពេញលេញ ចាប់ពីចុងខែកញ្ញា។ ក្រុមតោខៀវ Chelsea នឹង តម្រូវឲ្យ អ្នកគាំទ្របង្ហាញថាពួកគេបានទទួលការចាក់វ៉ាក់សាំងពេញលេញ ដូសទាំងពីរទទួលបានយ៉ាងហោចណាស់ ១៤ ថ្ងៃមុនការប្រកួត រឺក៏ភស្តុតាងនៃការធ្វើតេស្ត អវិជ្ជមានដែលត្រូវបានធ្វើឡើងក្នុងរយៈពេល ៤៨ ម៉ោងបន្ទាប់ពីការចាប់ផ្តើមការប្រកួត។
តំណាងក្លិបបាននិយាយថា “ការធ្វើបែបនេះ ដើម្បីបង្កើនសុវត្ថិភាពនិងការពារអ្នកគាំទ្រកីឡាករ និងបុគ្គលិករបស់យើងនៅពេលដែលយើងចាប់ផ្តើមរៀបចំហ្វូងមនុស្សប្រមូលផ្តុំ ជាលើកដំបូងចាប់តាំងពីខែមីនាឆ្នាំមុន” ៕
