ភ្នំពេញ ៖ រថយន្តស៊េរីទំនេីបម៉ាក Ford Ranger មួយគ្រឿងបានធ្វេីដំណេីរតាមដងផ្លូវសុខៗស្រាប់តែរថយន្តធុនធំបេីកថយក្រោយមកបុកពីចហៀងពេញទំហឹងបណ្ដាលឲ្យរងការខូចខាតយ៉ាងដំណំ កាលពីវេលាម៉ោង១០យប់ ថ្ងៃទី៤ ខែសីហា ឆ្នាំ ២០២១ នៅតាមបណ្ដោយផ្លូវ៥០ម៉ែត្រ ក្នុងភូមិអន្លង់គងថ្មី សង្កាត់ព្រៃសរ ខណ្ឌដង្កោ រាជធានីភ្នំពេញ ។

 បេីតាមប្រភពព័ត៌មានពីកន្លែងកេីតហេតុបានឲ្យដឹងថា  មុនពេលកេីតហេតុគេឃេីញរថយន្តស៊េរីទំនេីបម៉ាក  Ford Ranger ពណ៌ស  ពាក់ស្លាកលេខ  កណ្ដាល  2B-5120 ធ្វេីដំណេីរតាមបណ្ដោយផ្លូវ៥០ម៉ែត្រ  ទិសដៅពីត្បូងមកជេីងក្នុងល្បឿនល្មម  ខណៈមកដល់ចំណុចកេីតហេតុក៏មានរថយន្តធុនធំ  ពណ៌ខៀវ  ពាក់ស្លាកលេខ ភ្នំពេញ  3D-4072 បេីកថយក្រោយចេញពីការដ្ឋានមិនប្រយ័ត្ន  ក៏បុករថយន្ត Ford Ranger ពីចំហៀងខាងក្រោយពេញទំហឹង  បណ្ដាលឲ្យរថយន្ត Ford រងការខូចខាតយ៉ាងដំណំ  ។ រីឯរថយន្តធុនធំបង្កហេតុរងការខូចខាតតិចតួច  និងមិនបណ្ដាលឲ្យមនុស្សណាម្នាក់រងរបួសនោះឡេីយ  ។ 

 ក្រោយកេីតហេតុ  សមត្ថកិច្ចមូលដ្ឋានបានចុះមកដល់  និងទាក់ទងទៅជំនាញចរាចរណ៍ខណ្ឌដង្កោឲ្យមកពិនិត្យ  និងវាស់វែង  ។ តែចុងក្រោយភាគីខាងរថយន្តធុនធំព្រមចេញថ្លៃខូចខាត  និងជួសជុលទៅលេីរថយន្តរងគ្រោះ  ដេីម្បីបញ្ចប់រឿងនៅនឹងកន្លែងតែម្ដង  ៕  ដោយ  ៖  ជីម  ភារ៉ា