យោងតាមក្រសួងសុខាភិបាលនៅថ្ងៃទី៥សីហាឆ្នាំ២០២១ បានឲ្យដឹងថា នៅថ្ងៃ៤សីហាឆ្នាំ២០២១ គេបានរកឃើញអ្នកវិជ្ជមានកូវីដ-១៩ចំនួន៥៩១នាក់ ដែលក្នុងនោះអ្នកដំណើរមកពីបរទេសចំនួន១៨៣នាក់ និងករណីឆ្លងសហគមន៍៤០៨នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ៤សីហា មានអ្នកជាសះស្បើយពីជំងឺកូវីដ-១៩ ចំនួន៦១៨នាក់ និងមានអ្នកស្លាប់១៩នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី៤សីហាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៨ម៉ឺន២២៥នាក់ ក្នុងនោះបានព្យាបាលជាសះស្បើយចំនួន៧ម៉ឺន៣ពាន់៤២១នាក់ និងអ្នកស្លាប់ដោយសារជំងឺកូវីដ-១៩ចំនួន១ពាន់៥០៧នាក់ហើយ។