ឡាវមានវិជ្ជមានកូវីដប្រចាំថ្ងៃ ខ្ពស់ខ្លាំង ពុំធ្លាប់មាន!
ក្រសួងសុខាភិបាលនៃប្រទេសឡាវបានប្រកាសពីវិជ្ជមានកូវីដ១៩ប្រចាំថ្ងៃដ៏ច្រើន ពុំធ្លាប់មានក្នុងប្រទេស។
នាថ្ងៃទី២៥ សីហា ២០២១នេះ ក្រសួងថា មានវិជ្ជមានកូវីដ១៩ក្នុងប្រទេសឡាវចំនួន៩៥២នាក់បន្ថែមទៀត ជាករណីខ្ពស់បំផុតពុំធ្លាប់កើតមាននៅប្រទេសឡាវទេ ចាប់តាំងពីឡាវមានករណីដំបូង កាលពីខែមីនា ឆ្នាំមុនមក។
ក្នុងចំណោមជិត១ពាន់នាក់នេះ មានឆ្លងក្នុងសហគមន៍ចំនួន៥៩៤នាក់ ខេត្ត Savannakhet មានច្រើនជាងគេគឺ៥៥១នាក់ បន្ទាប់មកគឺ Bokeo មាន២៩នាក់ និងវៀងចន្ទន៍ ចំនួន១១ករណី និងបណ្តាខេត្តផ្សេងៗទៀត។
គិតត្រឹមថ្ងៃពុធ ទី២៥ សីហាករណីកូវីដ១៩សរុបនៅប្រទេសឡាវ បានកើនដល់ ១៣៩០៩នាក់ហើយ ស្លាប់មនុស្ស១១នាក់។ ក្នុងចំណោមនេះ មានអ្នកជំងឺ៩៥៣២បានជាសះស្បើយ៕
