រយៈពេល៧ខែ ឆ្នាំ២០២១ វិស័យឧស្សាហកម្មរបស់ចិន កើនឡើងប្រាក់ចំណេញ ៥៧.៣% (Video Inside)
Video: https://fb.watch/7Il-WkPbq5/
ប៉េកាំង៖ នាអំឡុងខែមករា ដល់ខែកក្កដា ឆ្នាំ២០២១នេះ ប្រាក់ចំណេញផ្នែកឧស្សាហកម្មរបស់ប្រទេសចិន បានកើនឡើង ៥៧.៣ ភាគរយ ស្មើនឹងប្រមាណ ៤,៩ ទ្រីលានយន់ ឬ៧៥៦ពាន់លានដុល្លារ ដោយសារការស្តារស្ថិរភាពនៃសេដ្ឋកិច្ច និងការធ្វើឱ្យប្រសើរឡើងនូវស្ថានភាពអាជីវកម្ម នេះបើតាមទិន្នន័យពីការិយាល័យស្ថិតិជាតិ (NBS)។
ដោយឡែកគិតនៅក្នុងខែកក្កដាប៉ុណ្ណោះ ប្រាក់ចំណេញនៅក្នុងវិស័យឧស្សាហកម្មរបស់ប្រទេសចិនបានកើនឡើង ១៦,៤ ភាគរយ ដោយកើនឡើង ២,៣ ភាគរយ បើប្រៀបធៀបនឹងខែមិថុន។
ប្រភពបានអោយដឹងទៀតថា បើប្រៀបធៀបទៅនឹងរយៈពេល៧ខែដំបូងនៃឆ្នាំ២០១៩ តួលេខនេះកើនឡើង ៤៤,៦ ភាគរយ។ ទិន្នន័យពីការិយាល័យស្ថិតិជាតិ (NBS) បានអោយដឹងទៀតថា អត្រាកំណើនជាមធ្យមក្នុងរយៈពេលពីរឆ្នាំចុងក្រោយនេះ មានចំនួន ២០,២ ភាគរយ៕ ប្រភព៖ CGTN
ឈឹម ទីណា
តាមរយៈការចូលរួមនៅតាមស្ថាប័នធំៗជាច្រើន រួមមានទូរទស្សន៍ គេហទំព័រ និងបណ្តាញសង្គមនានា បូករួមនឹងជំនាញបន្ថែមក្នុងការសរសេរ កាត់ត និងអាន នឹងផ្ដល់ជូនទស្សនិកជននូវព័ត៌មានដ៏សម្បូរបែបប្រកបដោយទំនុកចិត្ត និងវិជ្ជាជីវៈ។
