ទោះកូវីដ១៩! ផលិតកម្មថៃនៅតែបន្តមានកំណើន ៥ខែជាប់ៗគ្នា
អត្ថបទដោយ៖
លន់ សារ៉ាត
សន្ទស្សន៍ផលិតកម្មរបស់ប្រទេសថៃ (MPI) ក្នុងខែកក្កដាបានកើនឡើង ៥.១២% បើធៀបនឹងខែកក្តដា ២០២០ ដោយកំណើនល្អបែបនេះបន្តមានរយៈពេល៥ខែជាប់ៗគ្នាមកហើយ ដោយសារកំណើននៃការនាំចេញ។
យោងតាមការិយាល័យសេដ្ឋកិច្ចឧស្សាហកម្ម (OIE) បានឱ្យដឹងថា ទោះបីជាមានការផ្ទុះឡើងនៃជំងឺកូវីដ -១៩ នៅក្នុងប្រទេសជាច្រើនក៏ដោយ ពាណិជ្ជកម្មអន្តរជាតិនៅខែកក្កដានៅតែមានភាពមមាញឹកដោយសារការស្ទុះងើបឡើងវិញនៃសេដ្ឋកិច្ចពិភពលោក សំដៅលើ សហរដ្ឋអាមេរិក ចិន និងអឺរ៉ុប។
រដ្ឋមន្ត្រីក្រសួងឧស្សាហកម្ម Suriya Jungrungreangkit បាននិយាយថា តម្លៃនាំចេញរបស់ថៃក្នុងខែកក្កដាមានចំនួន ៧០០ ពាន់លានបាតដែលល្អសម្រាប់សេដ្ឋកិច្ចក្នុងស្រុក៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
