ភ្នំពេញ ៖ កម្លាំងសមត្ថកិច្ចប៉ុស្ដិ៍រដ្ឋបាល ច្រាំងចំរេះ១ នៃអធិការដ្ឋាននគរបាលខណ្ឌឬស្សីកែវ បានធ្វេីការបង្រ្កាបជាក់ស្ដែងករណីជួញដូរដោយខុសច្បាប់នូវសារធាតុញៀននៅវេលាម៉ោង ១៧និង ១៥នាទី ថ្ងៃទី០៦ ខែកញ្ញា ឆ្នាំ២០២១ ត្រង់ចំណុចសំណង់មិនរៀបរយក្រុម៦ភូមិ៣ សង្កាត់ច្រាំងចំរេះ១ ខណ្ឌឫស្សីកែវ រាជធានីភ្នំពេញ។
ជាលទ្ធផលកម្លាំងសមត្ថកិច្ចជំនាញខណ្ឌបានធ្វើការឃាត់ខ្លួន ជនសង្ស័យម្នាក់ឈ្មោះ សុខ ពិសិដ្ទ ភេទ ប្រុស អាយុ ២៨ ឆ្នាំ ជនជាតិ ខ្មែរ មានទីលំនៅភូមិធំ សង្កាត់ពញាពន្ទ ខណ្ឌព្រែកព្នៅ រាជធានីភ្នំពេញ មុខរបរ កម្មករសំណង់ ។ និងដកហូតវត្ថុតាង ១/ក្រាមពណ៌សថ្លាសង្ស័យជាគ្រឿងញៀន ចំនួន ០១ កញ្ចប់។
បច្ចុប្បន្ននេះ ជនសង្ស័យខាងលេីរួមនិងវត្ថុតាង ត្រូវបានកម្លាំងជំនាញខណ្ឌកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តន៍តាមនីតិវិធី ៕ ដោយ ៖ ភារ៉ា និងប៊ុនធី
