វ៉ាស៊ីនតោន៖ លេខាធិការនៃកងទ័ពជើងទឹកអាមេរិក នៅថ្ងៃចន្ទដើមសប្តាហ៍នេះ បានសម្តែងការព្រួយបារម្ភអំពីនាវាចម្បាំងចិន និងរុស្ស៊ីដែលធ្វើនាវាចរណ៍នៅឆ្នេរសមុទ្រជប៉ុន។ យ៉ាងណាមិញ លោក Carlos Del Toro បាននិយាយថា សកម្មភាពរបស់ពួកគេមិនផ្អែកលើនីតិរដ្ឋ និងបង្កការគំរាមកំហែងនោះទេ។

កាលពីថ្ងៃទី ១៨ ខែតុលា នាវាយោធាចិន និងរុស្ស៊ីចំនួន ១០គ្រឿងបានឆ្លងកាត់ច្រកសមុទ្រ Tsugaru ។ ដែនទឹកស្ថិតនៅចន្លោះកោះសំខាន់របស់ប្រទេសជប៉ុនគឺ Honshu និង Hokkaido ។ បន្ទាប់មក នៅថ្ងៃសុក្រសប្តាហ៍មុន ពួកគេបានជិះឆ្លងកាត់ច្រកសមុទ្រ Osumi ចេញពីឆ្នេរសមុទ្រភាគនិរតីរបស់ប្រទេសជប៉ុន។ ដែនទឹកទាំងពីរនេះ គឺជាផ្លូវទឹកអន្តរជាតិ។ កប៉ាល់បរទេស រួមទាំងនាវាចម្បាំងត្រូវបានអនុញ្ញាតឱ្យធ្វើនាវាចរឆ្លងកាត់ពួកគេ។

លោក Del Toro បាន​និយាយ​ថា ការ​រារាំង​នឹង​ជួយ​ឲ្យ​ចិន និង​រុស្ស៊ី​ទទួល​ស្គាល់​សណ្តាប់ធ្នាប់​អន្តរជាតិ និងថា នោះ​ជា​គន្លឹះ​មួយ​សម្រាប់​ស្ថិរភាព​ក្នុង​តំបន់។ ពាក់ព័ន្ធនឹងបញ្ហានេះដែរ លោកបានសន្យានឹងធ្វើកិច្ចសហប្រតិបត្តិការបន្ថែមទៀតជាមួយប្រទេសជប៉ុន និងប្រជាជាតិនានាក្នុងតំបន់។ ដោយឡែកមន្ត្រីក្រសួងការពារជាតិជប៉ុនក៏បានបញ្ជាក់ផងដែរថា នេះជាលើកទីមួយហើយ ដែលពួកគេបានឃើញនាវាចម្បាំងចិន និងរុស្ស៊ី បើកកាត់តាមច្រកសមុទ្រក្នុងពេលតែមួយ៕ ប្រភព៖ NHK