ថៃជួបបញ្ហាអ្នកគ្មានការងារកើនខ្លាំងពុំធ្លាប់មាន ក្នុងពេល១៦ឆ្នាំ
ដោយសារតែវិធានការរឹតបន្តឹងជំងឺកូវីដ-១៩ នៅប្រទេសថៃ អត្រាអ្នកគ្មានការងារធ្វើនៅក្នុងត្រីមាសទី៣ បានឡើងដល់កម្រិតខ្ពស់បំផុត ក្នុងរយៈពេល ១៦ឆ្នាំខណៈដែលមានការប៉ះពាល់យ៉ាងធ្ងន់ធ្ងរដល់សកម្មភាពសេដ្ឋកិច្ច និងការងារ នេះបើតាមការចេញផ្សាយរបស់ Asian Nikkei កាលពីថ្ងៃទី២៣ វិច្ឆិកា។
អត្រាគ្មានការងារធ្វើបានកើនឡើងដល់ ២,២៥ភាគរយនៅក្នុងត្រីមាសទី៣ ដែលមានកម្មករចំនួន ៨៧០ ០០០នាក់គ្មានការងារធ្វើ ដោយកើនឡើងពីចំនួន ១,៨៩ភាគរយក្នុងរយៈពេលបីខែមុន។ អត្រាគ្មានការងារធ្វើធ្លាប់មានកម្រិត ២,៥២ភាគរយកាលពីក្នុងត្រីមាសទីមួយនៃឆ្នាំ២០០៥។
ធនាគារកណ្តាលថៃព្យាយករណ៍ថា ចំនួនអ្នកគ្មានការងារអាចនឹងមានចំនួន ៣,៤លាននាក់ នៅត្រឹមចុងឆ្នាំ២០២១។ នៅក្នុងត្រីមាសទី៣ ការងារសរុបបានធ្លាក់ចុះ ០,៦ភាគរយបើធៀបទៅនឹងឆ្នាំមុនដែលមានកម្មករចំនួន ៣៧,៧លាននាក់ ដោយនៅក្នុងនោះ វិស័យសណ្ឋាគារ/ភោជនីយដ្ឋាន និងសំណង់៕
