សេអ៊ូល៖ សហរដ្ឋ​អាមេរិក និង​កូរ៉េ​ខាង​ត្បូង​កំពុង​រៀបចំ​បង្កើត “ផែនការ​ប្រតិបត្តិការ​សង្គ្រាម​ថ្មី” ដើម្បី​ដោះស្រាយ​ការ​គំរាម​កំហែង​ដែល​កំពុង​កើន​ឡើង​ពីសំណាក់​យោធា​កូរ៉េ​ខាង​ជើង។

ផែនការថ្មីនេះនឹងជំនួសយុទ្ធសាស្ត្រដែលមានស្រាប់ សំដៅឆ្លើយតបទៅនឹងការឈ្លានពានរបស់កូរ៉េខាងជើងដែលមានសក្តានុពល ដែលត្រូវបានបង្កើតឡើងប្រហែលមួយទសវត្សរ៍មុន និងមិនគិតពីភាពជឿនលឿនខាងយោធារបស់ទីក្រុងព្យុងយ៉ាង។ នេះបើតាមមន្ត្រីការពារជាតិជាន់ខ្ពស់អាមេរិក ដែលបាននិយាយក្នុងលក្ខខណ្ឌមិនបញ្ចេញឈ្មោះ ដើម្បីពិភាក្សាអំពីដំណើរការនេះ។ រដ្ឋមន្ត្រីការពារជាតិអាមេរិកលោក ឡយដ៍ អូស្ទីន បានធ្វើដំណើរមកដល់ទឹកដីកូរ៉េខាងត្បូង និងជួបពិភាក្សាផ្ទាល់ជាមួយសមភាគីកូរ៉េខាងត្បូងលោក ស៊ូ វូក នៅព្រឹកថ្ងៃព្រហស្បតិ៍នេះ ស្ថិតក្នុងគោលដៅពង្រឹងសម្ព័ន្ធភាពចំពោះមុខស្ថានការណ៍ក្តៅគគុកក្នុងតំបន់។

គួរបញ្ជាក់ផងដែរថា នៅមុនជំនួបជាមួយប្រមុខការពារជាតិកូរ៉េខាងត្បូង លោក ឡយដ៍ អូស្ទីន បានបញ្ជាក់ថា សម្ព័ន្ធភាពរវាងអាមេរិក-កូរ៉េខាងត្បូង គឺជាស្នូលនៃសន្តិភាព និងសន្តិសុខនៅក្នុងតំបន់នេះ ហើយយើងនឹងធ្វើការជាមួយគ្នា ដើម្បីឆ្ពោះទៅរកតំបន់ឥណ្ឌូ-ប៉ាស៊ីហ្វិកដែលសេរី និងបើកចំ៕ ប្រភព៖ voanews និងyunhap