អបអរសាទរ ខួបលើកទី៧៣ នៃ ទិវាសិទ្ធិមនុស្សអន្ដរជាតិ ១០ ធ្នូ ១៩៤៨ – ១០ ធ្នូ ២០២១
នៅពេលនិយាយដល់សិទ្ធិមនុស្ស នឹងធ្វើឱ្យយើងនឹកឃើញដល់រឿងចំនួនពីរ គឺ ទីមួយ របបយង់ឃ្នងខ្មែរក្រហម ដែលបានដាក់ប្រជាជនកម្ពុជាឱ្យក្លាយទៅជាទាសករក្នុងរបបទាសភាពរបស់ខ្លួន។ បនពេជ្ឈឃាត ខ្មែរក្រហមបានដកហូតគ្រប់បែបយ៉ាង សូម្បីតែសិទ្ធិរស់នៅជាមូលដ្ឋានរបស់ប្រជាជន គឺមានតែអង្គការអប្រិយ៍ខ្លួនឯងតែមួយគត់ ដែលអាចកំណត់ជោគវាសនាមនុស្សគ្រប់គ្នាបាន។ ចំណែករឿងទី២ គឺថ្ងៃរំដោះ ៧មករា ១៩៧៩ ក្រោមការយកជីវិតធ្វើជាដើមទុនរបស់ប្រមុខរាជរដ្ឋាភិបាល ឥស្សរជន និងយុទ្ធជន យុទ្ធានារី ដែលបានស្រវាប្រទាញយកប្រជាជនកម្ពុជាផុតពីជ្រោះមរណៈនៃរបបសម្លាប់ជាតិឯងខ្មែរក្រហម ដើម្បីបុព្វហេតុសិទ្ធិសេរីភាពរបស់ប្រជាជនកម្ពុជាគ្រប់រូប។ ៧មករា ពិតជាបាននាំមកនូវសិទ្ធិសេរីភាពដ៏មានសារៈសំខាន់ដល់ប្រជាជនកម្ពុជា នោះគឺសិទ្ធិរស់រានមានជីវិត ដែលធ្លាប់ត្រូវបានដកហូតដោយពួកទមិឡខ្មែរក្រហម៕
#ទិវាសិទ្ធិមនុស្សអន្ដរជាតិ #កម្ពុជាប្រជាធិបតេយ្យ #សច្ចធម៌ប្រវត្ដិសាស្រ្ដ #HumanRightsDay #ព្រះរាជាណាចក្រកម្ពុជា
