បុរសជនជាតិខ្មែរម្នាក់វ័យជាង៣០ឆ្នាំត្រូវយោធាវៀតណាមប៉ុស្តិ៍៧៨៩ចាប់ពេលឆ្លងដែនជាមួយនិងគ្រឿងញៀនជិត១គីឡូក្រាមជាប់ខ្លួន ពីកម្ពុជាទៅវៀតណាម តាមច្រករបៀងងាំបាវេ ។
អត្ថបទដោយ៖
គង់ ចាន់ស្រីដែន
បុរសជនជាតិខ្មែរម្នាក់វ័យជាង៣០ឆ្នាំត្រូវចាប់ខ្លួនជាមួយនិងគ្រឿងញៀនជិត១គីឡូក្រាម កាលពីម៉ោង២និង៤៥នាទីរសៀលថ្ងៃទី១៥ ធ្នូ ឆ្នាំ២០២១ ។
ព័ត៌មានបឋមបន្ត ជនសង្ស័យនោះត្រូវយោធាវៀតណាមប៉ុស្តិ៍៧៨៩ចាប់ពេលឆ្លងដែនពីកម្ពុជាទៅវៀតណាម តាមច្រករបៀងងាំបាវេ ដោយផ្ទុកគ្រឿងញៀនចំនួន១០កញ្ចប់ធំ ក្នុងថង់ពណ៌ខ្មៅស្មើនិង៩,៨៨ក្រាម ។
ជនសង្ស័យត្រូវគេបញ្ជាក់ថា ឈ្មោះពេជ្យ ផាន់ណា អាយុ៣៧ឆ្នាំ រស់នៅភូមិត្រពាំងផ្អេរ ឃុំស្រែខ្ទុមស្រុកកែវសីមាខេត្តមណ្ឌលគិរី ។ បច្ចុប្បន្ន ជនសង្ស័យត្រូវបានយោធាប៉ុស្តិ៧៨៩បញ្ជួនទៅខេត្តប៊ិញហ្វឿកប្រទេសវៀតណាម ដើម្បីបន្តការសាកសួរ ។
