ម៉ូស្គូ៖ ប្រធានាធិបតីរុស្ស៊ីលោក វ្ល៉ាឌីមៀ ពូទីន បានហៅសហរដ្ឋអាមេរិកការធ្វើពហិការផ្នែកការទូតចំពោះព្រឹត្តិការណ៍កីឡាអូឡាំពិករដូវរងានៅទីក្រុងប៉េកាំងឆ្នាំ ២០២២នាពេលខាងមុខនេះ គឺជាកំហុសមួយដែលត្រូវបានជំរុញដោយបំណងប្រាថ្នាដើម្បីរារាំងការអភិវឌ្ឍន៍របស់ប្រទេសចិន។

ឆ្លើយតបទៅនឹងសំណួរក្នុងសន្និសីទកាសែតប្រចាំឆ្នាំរបស់ខ្លួន លោក ពូទីន បាននិយាយថា រុស្ស៊ីប្រឆាំងនយោបាយកីឡា ហើយថា វាជារឿង “មិនអាចទទួលយកបាន និងខុស”ក្នុងការចាប់ផ្តើមអ្វីដែលគេហៅថា ការធ្វើពហិការផ្នែកការទូត ហើយទីក្រុងវ៉ាស៊ីនតោននឹងមិនរារាំងការលេចចេញរបស់ប្រទេសចិន ជាដៃគូប្រកួតប្រជែងពិភពលោក ដោយការអូសទាញនយោបាយចូលទៅក្នុងកីឡានោះទេ។ ការសម្រេចចិត្តនេះគឺមិនអាចទទួលយកបាន និងខុស។

លោក ពូទីន បានបញ្ជាក់ដូច្នេះទៀតថា ខ្ញុំបាននិយាយជាមួយអតីតប្រធានាធិបតីអាមេរិក ហើយគាត់បានប្រាប់ខ្ញុំថា ការធ្វើពហិការកីឡាអូឡាំពិកនៅទីក្រុង Los Angeles និង Moscow គឺជាកំហុសដ៏ធំមួយដែលធ្វើឡើងដោយសហរដ្ឋអាមេរិកផងដែរ។ ប៉ុន្តែសហរដ្ឋអាមេរិកនៅតែបន្តធ្វើកំហុសដូចគ្នាខ្លាំងណាស់។ ដូច្នេះ វាគឺជាការប៉ុនប៉ងដើម្បីទប់ស្កាត់កំណើនរបស់ប្រទេសចិន៕ ប្រភព៖ CGTN