អ្នកចាត់ការក្រុម Manchester City លោក Pep Guardiola បានបញ្ជាក់ថា ខ្សែប្រយុទ្ធសញ្ជាតិ អេស្ប៉ាញ Ferran Torres ជិតនឹងចូលរួមជាមួយក្រុម Barcelona នាពេលខាងមុខ។ ដោយ Barca បានយល់ព្រមបង់ប្រាក់ចំនួន ៥៥ លានអឺរ៉ូ ដើម្បីចុះហត្ថលេខាលើកីឡាករវ័យ ២១ ឆ្នាំជាមួយនឹងប្រាក់បន្ថែមចំនួន ១០ លានអឺរ៉ូ ។

លោក Guardiola បាននិយាយថា “ប្រសិនបើគេចង់ចាកចេញ ប្រាកដជាគ្មានការខកចិត្តឡើយ។”វាជាការចង់បានរបស់គេ ខ្ញុំសប្បាយចិត្តសម្រាប់គេ។ “ប្រសិនបើអ្នកចង់ចាកចេញព្រោះអ្នកមិនសប្បាយចិត្តនៅទីនេះហើយអ្នកនឹងសប្បាយចិត្តនៅកន្លែងផ្សេង អ្នកត្រូវតែទៅ។ លោក Guardiola បានបន្ថែមថា “នៅពេលដែល Barcelona ឬ Real Madrid ចង់បានកីឡាករ នោះវាពិបាកក្នុងការនិយាយថាទេ” ។ ហើយខ្ញុំយល់ពីមូលហេតុដែលគេចង់ចាកចេញ”។

គួរអោយដឹងផងដែរថា Torres បានបង្ហាញខ្លួន ៤៣ ប្រកួតឱ្យ Man City និងស៊ុតបញ្ចូលទីបាន ១៦គ្រាប់ក្រោយចាកចេញពី Valencia ក្នុងខែសីហា ឆ្នាំ 2020។ Ferran Torres បានចាប់ផ្តើមការប្រកួតបើកឆាកចំនួន ៦ដងនៃរដូវកាលនេះ ប៉ុន្តែត្រូវបានទម្លាក់ទៅលេងជាកីឡាករ បម្រុងសម្រាប់ការស្មើដោយគ្មានគ្រាប់បាល់ជាមួយក្រុម Southampton ក្នុងខែកញ្ញា បន្ទាប់មកបានរងរបួសជើង នៅពេលបំពេញកាតព្វកិច្ចសម្រាប់ជម្រើសជាតិ៕