ការស្ទង់មតិមួយបង្ហាញថា ពលរដ្ឋអាមេរិកប្រហែល ៥៦% មិនពេញចិត្តចំពោះការដឹកនាំរបស់លោក ចូ បៃដិន ចំពេលមានវិបត្តិសេដ្ឋកិច្ចដោយសារ Covid-19

វ៉ាស៊ីនតោន៖ ការស្ទង់មតីថ្មីមួយរបស់ស្ថាប័ន Change Research បានបង្ហាញថា ចំនួនកំណត់ត្រានៃពលរដ្ឋអាមេរិកចំនួន 56% បាននិយាយថា ពួកគេមិនពេញចិត្តចំពោះការដោះស្រាយរបស់លោកប្រធានាធិបតី ចូ បៃដិន លើបញ្ហាសំខាន់ៗដែលកំពុងប្រឈមមុខរបស់សហរដ្ឋអាមេរិក រួមមានទាំងសេដ្ឋកិច្ច និងជំងឺរាតត្បាតជាសកលកូវីដ១៩ជាដើម។

អត្រាពេញចិត្តចំនួន 44% គឺជាការគាំទ្រទាបបំផុតសម្រាប់លោក ចូ បៃដិន ចាប់តាំងពីរូបលោកបានក្លាយជាប្រធានាធិបតីអាមេរិកមួយឆ្នាំមុន។ ជនជាតិអាមេរិកភាគច្រើនលើសលប់បាននិយាយថា ពួកគេមិនពេញចិត្តចំពោះរបៀបដែលលោក បៃដិន បានដោះស្រាយគ្រប់ទិដ្ឋភាពសំខាន់ៗនៃការងាររបស់គាត់ ប៉ុន្តែជាពិសេសសេដ្ឋកិច្ច (60%) ការងារ (58%) និងអន្តោប្រវេសន៍ (72%)។ បើតាមការរំពឹងទុក ជនជាតិអាមេរិកបាននិយាយថា ពួកគេភាគច្រើនព្រួយបារម្ភអំពីស្ថានភាពសេដ្ឋកិច្ច (73%) ការចំណាយលើការថែទាំសុខភាព (86%) បំណុលសហព័ន្ធ (86%) និងការកើនឡើងនៃតម្លៃទំនិញ និងសេវាកម្មប្រចាំថ្ងៃ (89%)។

ការស្ទង់មតិខាងលើនេះ ត្រូវបានធ្វើឡើងតាមប្រព័ន្ធអ៊ីនធើណិត ក្នុងចំណោមអ្នកចុះឈ្មោះបោះឆ្នោតចំនួន ១ពាន់៨៩៥នាក់ ចាប់ពីថ្ងៃទី១៧ ដល់ថ្ងៃទី២០ ខែធ្នូ ហើយមានកំហុសត្រឹម 2.3%៕ ប្រភព៖ Sputniknews

ឈឹម​ ទីណា​
ឈឹម​ ទីណា​
តាមរយៈការចូលរួមនៅតាមស្ថាប័នធំៗជាច្រើន រួមមានទូរទស្សន៍ គេហទំព័រ និងបណ្តាញសង្គមនានា បូករួមនឹងជំនាញបន្ថែមក្នុងការសរសេរ កាត់ត និងអាន នឹងផ្ដល់ជូនទស្សនិកជននូវព័ត៌មានដ៏សម្បូរបែបប្រកបដោយទំនុកចិត្ត និងវិជ្ជាជីវៈ។
ads banner
ads banner
ads banner