លោក​ ​Mark​ ​Z​uck​e​r​berg​ ​បាន​បាត់បង់​ទ្រព្យសម្បត្តិ​ ​២​៩​ ​ពាន់​លាន​ដុល្លារ​ ​កាលពី​ថ្ងៃ​ទី​៣​ ​កុម្ភៈ​ ​២​០​២​២​ ​ខណៈ​ដែល​ភាគ​ហ៊ុន​របស់​ក្រុមហ៊ុន​ ​Me​t​a​ ​Platform​s ​បាន​ធ្លាក់ចុះ​១​ថ្ងៃ​ ​គួរឲ្យ​កត់​សម្គាល់​ ​បន្ទាប់ពី​ការ​ព្យាករណ៍​ប្រាក់ចំណូល​ដ៏​ខកចិត្ត​ ​ដែល​អង្រួន​ដល់​ទិដ្ឋភាព​បច្ចេកវិទ្យា​ពិភពលោក​។​

​ភាគ​ហ៊ុន​របស់​ ​Me​t​a​ ​បាន​ធ្លាក់ចុះ​ ​២​៦​ ​ភាគរយ​ ​ដោយ​បាន​បាត់បង់​ប្រាក់​ជាង​ ​២​០​០​ ​ពាន់​លាន​ដុល្លារ​អាមេរិក​ ​នៅ​ក្នុង​តម្លៃ​ទី​ផ្សារ​ដ៏​ធំបំផុត​ដែល​មិនធ្លាប់​មាន​ក្នុងមួយថ្ងៃ​ ​សម្រាប់​ក្រុមហ៊ុន​អាមេរិក​មួយ​។​ ​បញ្ហា​នេះ​បាន​ទាញ​ទ្រព្យសម្បត្តិ​របស់​ស្ថាបនិក​ ​និង​នាយក​ប្រតិបត្តិ​ ​Z​uck​e​r​berg​ ​ធ្លាក់ចុះ​មក​ត្រឹម​ ​៨​៥​ ​ពាន់​លាន​ដុល្លារ​អាមេរិក​ ​នេះ​បើ​យោង​តាម​ទស្សនាវដ្តី​ ​For​be​s ​។​

​ការ​ធ្លាក់ចុះ​ទ្រព្យសម្បត្តិ​មួយថ្ងៃ​របស់​ ​Z​uck​e​r​berg​ ​បែប​នេះ​ ​គឺ​ស្ថិត​ក្នុងចំណោម​ការ​ខាតបង់​ដ៏​ធំបំផុត​ដែល​មិនធ្លាប់​មាន​ ​ហើយ​កើតឡើង​ ​បន្ទាប់ពី​ការ​ខាតបង់​ ​មួយថ្ងៃ​ ​៣​៥​ ​ពាន់​លាន​ដុល្លារ​របស់​ ​E​l​on ​Musk​ ​ដែល​ជា​ស្ថាបនិក​ក្រុមហ៊ុន​ ​T​e​s​l​a​ ​កាលពី​ខែវិច្ឆិកា​៕​