ម៉ូស្គូ៖ ចំពេលមានការព្រួយបារម្ភកាន់តែខ្លាំងឡើងជុំវិញ វិបត្តិ អ៊ុយក្រែន នោះ កិច្ចខិតខំប្រឹងប្រែងការទូតកំពុងកើតឡើង។ សេចក្តីរាយការណ៍ព័ត៌មានបញ្ជាក់ថា អធិការបតីអាល្លឺម៉ង់លោក អូឡាហ្វ សូលស៍ នឹងជួបជាមួយប្រធានាធិបតីរុស្ស៊ីលោក វ្ល៉ាឌីមៀ ពូទីន នៅទីក្រុងម៉ូស្គូ នៅថ្ងៃអង្គារសប្តាហ៍នេះ។នៅមុនជំនួប ជាមួយ លោក ពូទីន លោក សូលស៍ បាននិយាយថា រុស្ស៊ីនឹងប្រឈម មុខនូវ ការដាក់ទណ្ឌកម្មភ្លាមៗ ប្រសិនបើខ្លួនវាយប្រហារអ៊ុយក្រែន។

អធិការបតីអាល្លឺម៉ង់រូបនេះក៏គ្រោងនឹងធ្វើដំណើរទៅកាន់ទីក្រុងគៀវ នៅថ្ងៃចន្ទដើមសប្តាហ៍នេះផងដែរ ដើម្បីជួបប្រធានាធិបតី អ៊ុយក្រែន លោក វ៉ូឡូឌីមៀរ ហ្សេលែនស្គី។

ជំនួបរបស់ពួកលោកនឹងកើតមានចំពេលមានសកម្មភាពការទូតដ៏ចលាចល ដើម្បីដោះស្រាយការប្រឈមមុខជាមួយលោកខាងលិច។ ទីក្រុងមូស្គូ និងទីក្រុងប៊ែរឡាំង មានទំនាក់ទំនងសេដ្ឋកិច្ចរឹងមាំ ដោយប្រទេសរុស្ស៊ីបានផ្គត់ផ្គង់ឧស្ម័នធម្មជាតិយ៉ាងច្រើនដល់ប្រទេសអាល្លឺម៉ង់។

អ្នកវិភាគនិយាយថា លោក ពូទីន អាចនឹងព្យាយាមប្រើប្រាស់ កិច្ចប្រជុំខាងលើនេះ ដើម្បីបង្រួបបង្រួមជាតិលោកខាងលិច ដែលគម្រាមដាក់ទណ្ឌកម្មសេដ្ឋកិច្ចដ៏ធំលើរុស្ស៊ី ប្រសិនបើប្រទេស នេះឈ្លានពានអ៊ុយក្រែន៕ ប្រភព៖ NHK ប្រែសម្រួលដោយៈឈឹម ទីណា