ភ្នំពេញ៖ ក្រសួងប្រៃសណីយ៍និងទូរគមនាគមន៍បាន ជូន ដំណឹង មួយដោយបានបញ្ជាក់ថា នាថ្មីៗនេះ ក្រសួងបាន សម្រេច លុប អាជ្ញាបណ្ណសេវាបញ្ញើឆាប់រហ័សអន្តរជាតិរបស់ក្រុមហ៊ុនចំនួន ពីរដែលបានដាក់ពាក្យស្នើសុំឈប់ធ្វើអាជីវកម្មរួចមក។

បញ្ជាក់ក្នុងសេចក្តីជូនដំណឹងកាលពីថ្ងៃទី ១៥ ខែ កុម្ភៈឆ្នាំ ២០២២ ក្រសួងប្រៃសណីយ៍បានឱ្យដឹងថា ក្រុមហ៊ុនចំនួនពីរដែលក្រសួង បានសម្រេចលុបអាជ្ញាបណ្ណនេះមានដូចជា៖១. ក្រុមហ៊ុន 56B-LINK SUPPLY CHAIN MANAGEMENT CO., LTD. និង២.ក្រុមហ៊ុន KH TRANSPORTATION EXPRESS CO., LTD. ។
ទន្ទឹមនេះ ក្រសួងក៏បានណែនាំដល់ប្រតិបត្តិករទាំងពីរខាងលើ ឱ្យបំពេញមានកាតព្វកិច្ចទទួល ខុសត្រូវចំពោះបុគ្គលិក អតិថិជន និងតតិយជន ស្របតាមច្បាប់និងបទប្បញ្ញត្តិជាធរមាន ក្នុងករណី មាន ការតវ៉ាជាយថាហេតុពាក់ព័ន្ធនឹងការលុបអាជ្ញាបណ្ណនេះ។

ក្រសួងប្រៃសណីយ៍បានបញ្ជាក់ក្នុងសេចក្តីជូនដំណឹងរបស់ខ្លួនទៀតរថា កន្លងមកក្រសួងបានណែនាំដល់ប្រតិបត្តិករប្រៃសណីយ៍ ទាំងអស់ ឱ្យគោរពតាមច្បាប់ស្ដីពីវិស័យ ប្រៃសណីយ៍ និង លិខិតបទដ្ឋានគតិយុត្តពាក់ព័ន្ធជាធរមាន ក៏ប៉ុន្តែមានប្រតិបត្តិករ មួយចំនួននៅតែមិនអនុវត្ត ឬអនុវត្តមិនទាន់បានពេញលេញ ស្របតាមច្បាប់ ឬលក្ខខណ្ឌនៃអាជ្ញាបណ្ណនៅឡើយ។ ដូចនេះ ក្នុងករណី ប្រតិបត្តិករណានៅតែបន្តគេចវេសមិនអនុវត្តតាមច្បាប់ និងមិនគោរពលក្ខខណ្ឌនៃអាជ្ញាបណ្ណ ប្រតិបត្តិករ នោះនឹងត្រូវ ប្រឈមនឹងការព្យួរអាជ្ញាបណ្ណជាបណ្ដោះអាសន្ន ឬលុបអាជ្ញាបណ្ណ៕ដោយ៖ ម៉ាដេប៉ូ
សូមជូនសេចក្តីជូនដំណឹង