ភ្នំពេញ៖ ថ្លែងនៅក្នុងពិធីប្រគល់សញ្ញាបត្រជូននិស្សិតវិទ្យាស្ថានវ៉ាន់ដា ជិត៤ពាន់នាក់ នៅព្រឹកថ្ងៃទី៣ ខែតុលា ឆ្នាំ២០២២ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានធ្វើការផ្តាំផ្ញើទៅអ្នកដែលមិនព្រមចាកចេញពីតំបន់អង្គរ ដើម្បីរងចាំតថ្លៃចង់បានសំណងច្រើន និងដីធំថា តែពេលវេលាមកដល់ សំណងក៏គ្មានដែរ ។

សម្តេចតេជោ នាយករដ្ឋមន្ត្រី មានប្រសាសន៍ថាពេលនេះជាពេលដែលរាជរដ្ឋាភិបាល ធ្វើការថ្នាក់ថ្នមអង្វរក ដល់បងប្អូនប្រជាពលរដ្ឋ ឱ្យចាកចេញ គឺសម្ដេចបានជួបផ្ទាល់ជាមួយបងប្អូនជិត ៤០០០គ្រួសារ ។ ប៉ុន្តែនៅពេលវេលាមកដល់ ១សេន ក៏មិនផ្ដល់ឱ្យដែរ ។

សម្តេចបន្តថា ដល់ពេលវេលាមួយហើយ មិនទុកឱ្យអង្គរវត្ត ត្រូវបានដកចេញពីបេតិកភណ្ឌពិភពលោកទេ គឺច្បាស់ជាដកគ្រួសារនោះចេញតែម្ដង។

សម្ដេចតេជោ បញ្ជាក់ថា កុំសង្ឃឹមថា ទុកមិនព្រមចាកចេញ ដើម្បីតថ្លៃដើម្បីបានសំណងច្រើនជាងហ្នឹង ។ សូមកុំចាញ់បោកគណបក្សនយោបាយណាឲ្យសោះ ៕ ដោយ វណ្ណលុក