ភ្នំពេញ៖ក្រសួងប្រៃសណីយ៍ និងទូរគមនាគមន៍កម្ពុជាតែងមានការរៀបចំឱ្យមានការគោរពទង់ជាតិរៀងរាល់ព្រឹកថ្ងៃធ្វើការរបស់ថ្នាក់ដឹកនាំ និងមន្ត្រីរាជការនៃក្រសួង។

ក្នុងរូបភាពនេះដែរគឺជាការចូលរួមគោរពទង់ជាតិរបស់មន្រ្តីរាជការនៃក្រសួងប្រៃសណីយក្នុង សប្ដាហ៍ទី៣ ខែតុលា ឆ្នាំ២០២២។

យោងតាមទំព័រហ្វេសប៊ុកររបស់ក្រសួងប្រៃសណីយ៍បានឱ្យដឹងថា៖អនុវត្តតាមការណែនាំរបស់ឯកឧត្តមរដ្ឋមន្ត្រី ជា វ៉ាន់ដេត ថ្នាក់ដឹកនាំ និងមន្ត្រីរាជការនៃក្រសួងប្រៃសណីយ៍និងទូរគមនាគមន៍ បានចូលរួមគោរពទង់ជាតិ វេលាម៉ោង ៧:៣០នាទីព្រឹក រៀងរាល់ថ្ងៃធ្វើការ ដើម្បីលើកកម្ពស់មោទនភាពជាតិ ស្មារតីស្នេហាជាតិ ព្រមទាំងសម្តែងនូវសេចក្តីគោរពដឹងគុណដល់អ្នកតស៊ូក្នុងបុព្វហេតុការពារ និងកសាងអភិវឌ្ឍន៍ជាតិមាតុភូមិប្រកបដោយសុខសន្តិភាពនិងចីរភាព។

បើតាមក្រសួងប្រៃសណីយ៍បានឱ្យដឹងដែរថាការរៀបចំឱ្យ ថ្នាក់ដឹកនាំ និងមន្ត្រីរាជការនៃក្រសួងប្រៃសណីយ៍និងទូរគមនាគមន៍ បានរៀបចំគោរពទង់ជាតិរៀងរាល់ព្រឹកនៃម៉ោងធ្វើការចាប់តាំងពីខែមិថុនា ឆ្នាំ២០២០មក ៕ ដោយ៖ម៉ាដេប៉ូ