ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីរបស់លោកអ្នកឡើងខ្ពស់ត្រដែត។ កុំមានក្តីបារម្ភអ្វីឡើយទាក់ទងនឹងកិច្ចការងារ ព្រមទាំងមុខរបររបស់អ្នក អ្វីៗមានដំណើរការល្អប្រសើរ និងមានមនុស្សនៅជុំវិញខ្លួនជួយទំនុកបម្រុងបន្ថែមទៀតផង។ អ្វីគួរចងចាំ គឺសូមយកចិត្តទុកដាក់ចំពោះស្ថានភាពនៅជុំវិញខ្លួន ប៉ុន្តែមិនគួរឆ្លើយតបអ្វីធំដុំនោះទេ ពីព្រោះជាធម្មតាបញ្ហាទាំងនោះនឹងរលាយទៅបាត់វិញ។ ថ្ងៃនេះលោកអ្នកទទួលបានអំណោយផលនៃគំនិតវិជ្ជមាន ភាពរហ័សរហួន និងគំនិតច្នៃប្រឌិត ដូច្នេះសូមកុំព្រួយបារម្ភ ភាពជោគជ័យនឹងស្ថិតនៅលើផ្លូវរបស់អ្នក។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។ រាសីលោកអ្នកនៅក្នុងថ្ងៃនេះល្អជាមធ្យម។ ថ្ងៃនេះមានអំណោយក្នុងការដោះស្រាយបញ្ហាហិរញ្ញវត្ថុ។ សូមលោកអ្នកកុំមានក្តីព្រួយបារម្ភទៅលើការបណ្តាក់ទុនចំពោះមុខជំនួញឡើយ ប៉ុន្តែក៏សូមរក្សាព្រឹត្តិការណ៍ដែលនឹងអាចកើតឡើង ដើម្បីកុំឲ្យមានក្តីលំបាក។ ក្នុងពេលនេះសូមកុំចំណាយកំលាំងចោលទទេៗ ចំពោះរឿងរ៉ាវ ការងារដែលអ្នកមិនពេញចិត្ត។ ស្របពេល នឹងដំណើរការល្អក្នុងពេលនេះ សូមលោកអ្នករៀនគ្រប់គ្រងការគិតរបស់អ្នក ធ្វើយ៉ាងណា កុំមានការព្រួយបារម្ភលលើសពីស្ថានភាពដែលអាចនឹងកើតឡើង។

 ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីរបស់លោកអ្នកឡើងខ្ពស់ត្រដែត។ អ្វីៗទាំងអស់នៅក្នុងថ្ងៃនេះនឹងទទួលបានជោគជ័យទាំងអស់ ដូច្នេះសូមកុំមានការព្រួយបារម្ភ លោកអ្នកគួរចាប់យកឳកាស ហើយបំពេញក្តីស្រមៃរបស់ខ្លួនក្នុងពេលនេះ។ បើអ្នកចង់បង្កើនមុខរបរ បណ្តាក់ទុន ធ្វើដំណើរចេញឆ្ងាយសម្រាប់ការងារ ក៏ដូចជាការផ្លាស់ប្តូរកន្លែងការងារ នោះនឹងអាចធ្វើទៅបាន។ សូមរក្សាភាពស្មោះត្រង់ និងសប្បុរសរបស់អ្នកដើម្បីរក្សាលាភសំណាងឲ្យស្ថិតស្ថេរ។ ទន្ទឹមនឹងនេះ អ្នក អាចនឹងយកឈ្នះមនុស្សដែលមើលបំណាំ បង្កការលំបាកដល់ផែនការអនុវត្តរបស់អ្នក ដូច្នេះសូមបន្តគោលដៅរបស់ខ្លួនដោយភាពជឿជាក់។

ឆ្នាំថោះ

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីរបស់លោកអ្នកក្នុងថ្ងៃនេះស្រុតចុះ។ ការងាររបស់លោកអ្នកកំពុងមានអ្នកបង្អាក់ទាញមិនឲ្យសម្រេចចេញទាន់ពេលវេលានោះទេ។ ចំណែកអ្នករកស៊ីជួញដូរ ហាក់មិនសូវទទួលបានផលចំណេញតាមការរំពឹងទុក និងទុនដែលបានចំណាយនោះទេ។ សូមកុំអាក់អន់ក្នុងចិត្ត ព្យាយាមកែប្រែស្ថានការណ៍ដោយមានគម្រោងការងារជាក់លាក់។ ភាពរស់រាយរាក់ទាក់ និងសំដីទន់ភ្លន់ជាគន្លឹះដោះស្រាយបញ្ហា។ ទន្ទឹមនឹងនេះ សូមព្យាយាមស្វែងយល់ ពីដំណឹងដែលអ្នកទទួលបាន ពីព្រោះមានដំណឹងខ្លះអាចនឹងបន្លំការគិតរបស់អ្នកដោយ ងាយស្រួល​ ហេតុនេះសូមមានភាពល្អិតល្អន់អំពីរឿងនេះ។

ឆ្នាំរោង

​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ ​ រាសីរបស់លោកអ្នកឡើងខ្ពស់ត្រដែត។ ថ្ងៃនេះមានអំណោយផលល្អសម្រាប់កិច្ចការងារណាស់ ហើយស្ថានភាពវិជ្ជមាននឹងកើតឡើងចំពោះការងាររបស់អ្នកយ៉ាងប្រាកដណាស់។ លោកអ្នកអាចធ្វើការបណ្តាក់ទុន ឬផ្លាស់ប្តូរការងារដែលអ្នកពេញចិត្ត ព្រោះអ្វីៗស្ថិតក្នុងដំណើរដ៏ប្រសើរ សូមទាំងមានមនុស្សទំនុកបម្រុង និងជឿជាក់ទៅលើគំនិតយោបល់របស់អ្នកណាស់។  សូមធ្វើទំនាក់ទំនងល្អជាមួយមិត្តរួមអាជីព និងសូមជៀសវាងការនិយាយរឿងដែលគ្មានប្រយោជន៍ ការនិយាយដើមចុង និងការប្រើប្រាស់ពេលវេលាទៅលើរឿងដែល មិនទាក់ទងនឹងការងារ។

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​  រាសីរបស់លោកអ្នកក្នុងថ្ងៃនេះស្រុតចុះ។ មុខរបរ និងកិច្ចការរបស់អ្នកស្ថិតក្នុងដំណាក់កាលហ្នឹងហ្ន៎ មិនមានការប្រែប្រួលជាវិជ្ជមាននៅឡើយ។ សូមបញ្ឈប់ជាដាច់ខាតក្នុងការបញ្ចេញយោបល់តឹងរឹង ឬគំនិតរិះគន់ចំពោះថ្នាក់លើរបស់អ្នក។ រក្សាគំនិត និងអារម្មណ៍របស់អ្នក ហើយរងចាំឳកាសល្អ ក្នុងការនិយាយអំពីបញ្ហានោះ។ លោកអ្នកអាចនឹងជួបបញ្ហា ប៉ុន្តែមិនត្រូវមានការព្រួយបារម្ភខ្លាំងពេកទេ សូមព្យាយាមបន្ថែម ពីព្រោះហេតុការនេះនឹងរលាយបាត់ទៅវិញក្នុងពេលឆាប់ៗ។ ក្នុងនោះ សូមមានភាពអត់ធ្មត់បន្ថែម ចូរធ្វើការងារដែលស្ថិត ក្រោមការទទួលខុសត្រូវ ជាជាងចំណាយពេលព្រួយបារម្ភ។

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីលោកអ្នកក្នុងថ្ងៃនេះល្អជាមធ្យម។ ថ្ងៃនេះការគិត និងការសម្រេចចិត្តរបស់អ្នកស្ថិតក្នុងភាពវិជ្ជមាន។ ប៉ុន្តែលោកអ្នកត្រូវមានការប្រុងប្រយ័ត្នខ្លាំងជាមួយនឹងការសម្រេចចិត្ត ឬអនុវត្តគម្រោងការងារ ពិសេសផ្នែកជំនួញ។ ជាទូទៅអ្នកអាចទទួលបានភាពជោគជ័យ ប៉ុន្តែទាំងនេះវាស្ថិតនៅឆ្ងាយពីភាពចំណុចបញ្ចប់នៅឡើយ។ ថ្ងៃនេះលោកអ្នកអាចមានលទ្ធភាពក្នុងការធ្វើទំនាក់ទំនងបានយ៉ាងល្អប្រសើរ។ ក្រៅពីនេះ ប្រសិនបើអ្នកចង់ផ្លាស់ប្តូរទីកន្លែងការ ងារគឺអាចធ្វើទៅបានដោយគ្មានផលជំទាស់ ផ្ទុយទៅវិញអ្នកនឹងអាចជួបស្ថានភាពថ្មីដែល នឹងផ្តល់ផ្លែផ្កាល្អដល់អាជីព។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាសី្រ។ រាសីរបស់លោកអ្នកក្នុងថ្ងៃនេះល្អជាមធ្យម។ ថ្ងៃនេះជាពេលវេលាអំណោយផលក្នុងការធ្វើទំនាក់ទំនងជាមួយនៅជុំវិញខ្លួន ពិសេសមនុស្សក្នុងក្រុមការងារ។ លោកអ្នកអាចមានលទ្ធភាពបង្កើនកំរិតហិរញ្ញវត្ថុយ៉ាងមានប្រសិទ្ធភាពបំផុត។ នៅក្នុងថ្ងៃនេះអ្នកនឹងទទួលអារម្មណ៍ថារវល់ ឬតានតឹងច្រើនតាំងពីពេលព្រឹក ក៏ព្រោះតែទំងន់ការងារដែលស្ថិតក្រោមការទទួលខុសត្រូវរបស់អ្នក។ ដូច្នេះយកល្អ អ្នកគួរសុំជំនួយ ឬចែករំលែកការងារខ្លះទៅកាន់មិត្តភក្តិរួមការងាររបស់អ្នក។ ទន្ទឹមនឹងនេះ សូមចំណាយពេលបន្ថែមក្នុងការស្វែងរកពត៌មាន ចំណេះ ជំនាញ និងការដកស្រង់បទពិសោធន៍ពីមនុស្សដែលនៅក្បែរខ្លួន។

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីលោកអ្នកក្នុងថ្ងៃនេះល្អជាមធ្យម។ កិច្ចការងារ និងរបរជូញដូរ មានដំណើរការល្អណាស់។ ប្រសិនបើអ្នកអាចរក្សាអ្វីៗឲ្យស្ថិតក្នុងស្ថានភាពដដែល នោះអ្នកអាចនឹងមានពេលវេលា និងជំហររឹងមាំដើម្បីអភិវឌ្ឍន៍ការងារទាំងនោះប្រកបដោយភាពវិជ្ជមាន និងជោគជ័យ។ ថ្ងៃនេះស្ថានភាពខ្លះនឹងអាចរុញច្រានអ្នកឲ្យចេញពីគន្លងត្រឹមត្រូវ ដែលអ្នកបានរៀបចំ ដូច្នេះសូមមានការប្រុងប្រយ័ត្ន។ សូមបន្តធ្វើទំនាក់ទំនងបន្ថែម និងជៀសវាងជម្លោះអោយបានកក្នុង កំរិតអតិបរមា។ ក្រៅពីនេះ សូមប្រយ័ត្នចំពោះការផ្តល់ជូនទាំងឡាយណាដែលមិនមាន មូលដ្ឋានច្បាស់លាស់។

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។  ​ រាសីរបស់លោកអ្នកក្នុងថ្ងៃនេះស្រុតចុះ។ អ្នកមិនគួរបោះបង់គម្រោងរបស់ខ្លួន ហើយដេញចាប់យកការងារថ្មី ឬធ្វើសកម្មភាពដោយឡែកនោះទេ។ ពីព្រោះប្រសិនបើអ្នកចំណាយពេល និងយកចិត្តទុកដាក់ចំពោះការងារនៅក្នុងដៃនាពេលនោះ គឺលោកអ្នកនឹងធានាបាននៅភាគជោគជ័យ។ ក្រៅពីនេះ ហាមដាច់ខាតក្នុងការសម្រេចចិត្តដោយប្រញាប់ប្រញាល។ ក្នុងពេលនេះអ្នកអាចនឹងងាយទទួលអារម្មណ៍មិនរីករាយ ដូច្នេះសូមព្យាយាមធ្វើយ៉ាងណាឲ្យពេលវេលានេះកន្លងផុតទៅ ហើយមិនចាំបាច់អីត្រូវតបតនោះទេ។ ក្រៅពីនេះ សូមទ្រាំ សិនចំពោះបញ្ហា ពីព្រោះការតបតនៅតែមិនធ្វើអោយអ្នកទទួលបានការយល់ដឹងនោះទេ។

ឆ្នាំច

សម្រាប់លោកអ្នកដែលមានកំណើតឆ្នាំច នាមសត្វឆ្កែ ធាតុដី ពង្សយក្សស្រី។ រាសីរបស់លោកអ្នកឡើងខ្ពស់ត្រដែត។ ថ្ងៃនេះអំណោយផលដល់ការពិភាក្សា និងចរចាចំពោះកិច្ចការងារ និងមុខជំនួញផ្សេងៗ។ ប៉ុន្តែអំណោយផលនេះ ក៏ត្រូវមានការប្រុងប្រយ័ត្នផងដែរ កុំនិយាយស្តីពាក្យសំដីទាំងឡាយណា ដែលនាំឲ្យប៉ះពាល់ផលប្រយោជន៍ ឬការងាររបស់អ្នកដទៃ ហើយក៏ហាមដាច់ខាត ក្នុងការចែករំលែករឿងរ៉ាវពីមនុស្សម្នាក់ទៅមនុស្សម្នាក់ទៀត។ ក្នុងពេលនេះឳកាសសម្រាប់ការងារនឹងកើតឡើងច្រើន ដូច្នេះសូមមានភាពរហ័សរហួន ចាប់យកឳកាសនេះអោយបានល្អ។ កុំចំណាយពេលច្រើន ទៅលើការសម្រាក ការធ្វើ ដំណោះរកំសាន្ត ឬការស្រមើស្រមៃដែលគ្មានមូលដ្ឋាន។

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីរបស់លោកអ្នកល្អជាមធ្យម។ កិច្ចការងាររបស់លោកអ្នកដំណើរការទៅដោយរលូន និងជោគជ័យគួរឲ្យកត់សម្គាល់ ប៉ុន្តែសូមរក្សាការងារដែលកំពុងមានក្នុងដៃនាពេលនេះ ពិព្រោះការងារថ្មីប្រហែលជាលំបាកក្នុងការរក្សាលំនឹង ឬទទួលបានប្រយោជន៍តាមការរំពឹងណាស់ក្នុងពេលនេះ។ ថ្ងៃនេះលោកអ្នកអាចជួបនឹងអារម្មណ៍ដែលមិននឹងហ្ន៎ គិតច្រើនឥតប្រយោជន៍ ដូច្នេះសូមព្យាយាមបែងចែកអារម្មណ៍របស់លោកឲ្យបានត្រឹមត្រូវ។ ក្នុងនោះ សូមផ្តោតការសំខាន់ទៅលើការងារទាំងឡាយណាដែលជារបស់អ្នក ដែលស្ថិតក្រោមការ ទទួលខុសត្រូវ និងគោរពឯកជនភាព។

ចំណាំៈ

ឆ្នាំទាំង៤ ជូត ខាល រោង​ ច រាសីឡើងខ្ពស់ត្រដែត។ ថ្ងៃនេះជាពេលបង្កើតមុខរបរថ្មី និងការ ចរចាលើស្ថានភាពដែលលំបាក។ ក្នុងនោះ អ្នកក៏អាចនឹងផ្តើមការងារថ្មីៗបានល្អផង។