ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានអាស៊ាន បានអនុញ្ញាតឱ្យលោក ចាង មីង (Zhang Ming) អគ្គលេខាធិការរង អង្គការកិច្ចសហប្រតិបត្តិការសៀងហៃ នាល្ងាចថ្ងៃសុក្រ ទី១១ ខែវិច្ឆិកា ឆ្នាំ២០២២ ។

ក្នុងជំនួបនេះ លោក ចាង មីង បានអបអរសាទរចំពោះសម្តេចតេជោ ហ៊ុន សែន ដែលបានដឹកនាំកម្ពុជាមានការរីកចម្រើនមានការឆាប់រហ័ស និងដឹកនាំកិច្ចប្រជុំកំពូលអាស៊ានទទួលបានជោគជ័យ។ លោក ចាង មីង ក៏បានជម្រាបជូនសម្ដេចតេជោ ហ៊ុន សែន ផងដែរថា អង្គការកិច្ចសហប្រតិបត្តិការសៀងហៃ នឹងធ្វើកិច្ចសហប្រតិបត្តិការជាមួយនឹងអាស៊ាន ហើយនឹងចូលរួមជាមួយនឹងអាស៊ានប្រឈមនឹងរាល់បញ្ហាទាំងឡាយដែលកំពុងមានចំពោះមុខ។

សម្ដេចតេជោ ហ៊ុន សែន បានថ្លែងអំណរគុណចំពោះលោក ចាង មីង (Zhang Ming) អគ្គលេខាធិការរងអង្គការកិច្ចសហប្រតិបត្តិការសៀងហៃ ដែលបានអញ្ជើញចូលរួមនៅក្នុងកិច្ចប្រជុំនៅក្នុងព្រះរាជាណាចក្រកម្ពុជា ដែលនឹងចែករំលែកធាតុចូលក្នុងបញ្ហាពិភពលោកនាពេលខាងមុខ ៕ ដោយ ៖ វណ្ណលុក