ភ្នំពេញ៖ នៅព្រឹកថ្ងៃទី១២ ខែវិច្ឆិកា ឆ្នាំ២០២២ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានអាស៊ាន រួមនឹងប្រមុខរដ្ឋ/រដ្ឋាភិបាលអាស៊ាន អញ្ជើញចូលរួមកិច្ចប្រជុំកំពូលអាស៊ាន បូក ៣ ដែលរួមមាន៖ ឯកឧត្តម យូន ស៊ុកយុល (Yoon Suk-yeol) ប្រធានាធិបតីកូរ៉េខាងត្បូង, ឯកឧត្តម លី ខឹឈាង នាយករដ្ឋមន្ត្រី នៃសាធារណៈរដ្ឋប្រជាមានិតចិន, ឯកឧត្តម Fumio Kishida នាយករដ្ឋមន្រ្តីជប៉ុន រួមនិងអគ្គលេខាធិការអាស៊ានផងដែរ ។

សូមជម្រាបថា កិច្ចប្រជុំកំពូលអាស៊ានបូក ៣ លើកទី២៥ នឹងពិភាក្សាផ្លាស់ប្ដូរយោបល់លើបញ្ហាសំខាន់ៗមួយចំនួន ជាពិសេស ការជំរុញការអនុវត្តគំនិតផ្ដួចផ្ដើមអាស៊ានបូក៣ លើគ្រប់ទិដ្ឋភាព ទាំងកិច្ចសហប្រតិបត្តិការសេដ្ឋកិច្ច សន្តិភាព និងនយោបាយ ដែលបានរួមចំណែកយ៉ាងសំខាន់ ក្នុងការលើកកម្ពស់ស្ថេរភាព និងវិបុលភាពក្នុងតំបន់ ៕ ដោយ ៖ វណ្ណលុក