រាជធានីភ្នំពេញ៖ នាយកដ្ឋានប្រកាសទ្រព្យសម្បត្តិ និងបំណុល នៃអង្គភាពប្រឆាំងអំពើពុករលួយបានឱ្យដឹងថា គិតត្រឹមថ្ងៃ ទី២ ខែមករា អង្គភាពប្រឆាំងអំពើពុករលួយបានទទួល ឯកសារ ប្រកាស ទ្រព្យសម្បត្តិ និងបំណុល សរុបចំនួន ៥៧១ច្បាប់ ។

បើតាមសេចក្តីប្រកាសរបស់អង្គភាពប្រឆាំងអំពើពុករលួយបានឱ្យដឹងដែរថាគិតត្រឹមថ្ងៃ ទី០២ ខែមករា ឆ្នាំ ២០២៣ កន្លងមកនេះនាយកដ្ឋានប្រកាសទ្រព្យសម្បត្តិ និងបំណុល បានទទួលឯកសារប្រកាសទ្រព្យសម្បត្តិ និងបំណុល សរុបចំនួន ១២ ៣០៩ច្បាប់ ។

ប្រភពដដែលបញ្ជាក់បន្ថែមថា៖ ក្រុមការងារនៃនាយកដ្ឋាន ប្រកាសទ្រព្យសម្បត្តិ និងបំណុល នឹងរង់ចាំទទួលឯកសារ ប្រកាស ប្រាំពីរថ្ងៃក្នុងមួយសប្ដាហ៍ គិតចាប់ពីថ្ងៃទី០១ រហូតដល់ថ្ងៃទី៣១ ខែមករា ឆ្នាំ២០២៣ ដោយមិនឈប់ សម្រាកថ្ងៃសៅរ៍ ថ្ងៃអាទិត្យ និងថ្ងៃបុណ្យឡើយពី ម៉ោង៨ព្រឹកដល់ម៉ោង៥ល្ងាច៕ដោយ៖ម៉ាដេប៉ូ