ភ្នំពេញ៖ អង្គភាពប្រឆាំងអំពើពុករលួយបានធ្វើបច្ចុប្បន្នភាពប្រចាំថ្ងៃ សប្តាហ៍ទី៣ នៃការប្រកាសទ្រព្យសម្បត្តិ និងបំណុល តាមរបប ០២ឆ្នាំ ឆ្នាំ២០២៣របស់ខ្លួនឱ្យដឹងថា គិតរហូតមកដល់ពេលនេះឯកសារប្រកាសទ្រព្យសម្បត្តិ និងបំណុល បានកើនទៅដល់ ចំនួន ២០៦៥១រូប ឬស្មើនឹង ៩០.៣២ភាគរយ។

បើតាមនាយកដ្ឋានប្រកាសទ្រព្យសម្បត្តិ និងបំណុលនាំអង្គភាពប្រឆាំងអំពើពុលរួយ បានឱ្យដឹងនៅថ្ងៃទី១៧ ខែ មករា ឆ្នាំ២០២៣នេះឱ្យដឹងថា ចាប់ពីម៉ោង ៨ព្រឹក ដល់ ម៉ោង១២ថ្ងៃត្រង់នេះ នាយកដ្ឋានបានទទួលឯកសារពីអ្នកជាប់កាតព្វកិច្ចត្រូវប្រកាសទ្រព្យសម្បត្តិ និងបំណុល ចំនួន ១០៤រូប ធ្វើឲ្យឯកសារប្រកាសទ្រព្យសម្បត្តិ និងបំណុល បានកើនទៅដល់ ចំនួន២០៦៥១រូប ស្មើនឹង ៩០.៣២ភាគរយនៃចំនួនត្រូវប្រកាសសរុប ២២៨៦៤រូប ៕

ដោយ ៖ ម៉ាដេប៉ូ