ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានប្រកាស ផ្តល់ ម៉ាស៊ីន ស្ទូងស្រូវ ១០០ គ្រឿង ចែកជូនសហគមន៍ផលិតពូជស្រូវ។ សម្តេច តេជោ ហ៊ុន សែន បានបញ្ជាក់ដូចនេះ ក្នុងពិធីបិទ សន្និបាតបូក សរុប ការងារ ឆ្នាំ២០២២ និងលើកទិសដៅការងារ ឆ្នាំ២០២៣ របស់ក្រសួង កសិកម្ម រុក្ខាប្រមាញ់ និងនេសាទ ។

សម្តេចតេជោ បានប្រកាសថា សម្តេចនឹងផ្តល់ម៉ាស៊ីនស្ទូងស្រូវចំនួន ១០០ គ្រឿងដល់ក្រសួងកសិកម្មដើម្បីចែកជូនទៅដល់សហគមន៍កសិកម្មដែលផលិតស្រូវពូជ។សម្ដេច ក៏បានជំរុញឱ្យផលិតពូជស្រូវផ្ការំដួលឱ្យគ្រប់គ្រាន់ ដើម្បីបំពេញតម្រូវការទីផ្សារ ជាពិសេសជំរុញឱ្យស្រាវជ្រាវរកពូជស្រូវដែល ធន់នឹងអាកាសធាតុ និងធន់នឹងសមាសភាពចង្រៃ។

សម្តេចតេជោមានប្រសាសន៍ទៀតថាយើងដាក់ ម៉ាស៊ីនស្ទូងស្រូវ ទៅកន្លែង ផលិតពូជស្រូវ ។កត្តាពូជ គឺជារឿងសំខាន់ ដូច្នេះយើងត្រូវជំរុញ ដើម្បីបើក ទូលាយឱ្យប្រជាពលរដ្ឋអាចដាំដុះ ។

សម្តេចនាយករដ្ឋមន្ត្រី បានបញ្ជាក់ថា សម្តេចបានទិញម៉ាស៊ីនស្ទូងស្រូវចំនួន ១០០គ្រឿង ក្នុងកំឡុងពេល ចូលរួមទស្សនាស្តង់ពិព័រណ៍ផលិតផលខ្មែរ នៅពិធីបុណ្យទន្លេ នៅខេត្តកំពង់ធំ កាលពីថ្ងៃទី០៩ ខែមីនា ៕ អត្ថបទ៖ វណ្ណលុក, រូបភាព៖ វ៉េង លីមហួត និង សួង ពិសិដ្ឋ