ម៉ិកស៊ីកូ៖ ទីក្រុងបុរាណ Teotihuacan គឺជាទីកន្លែងបុរាណវិទ្យាដ៏គួរឱ្យចាប់អារម្មណ៍បំផុតមួយរបស់ពិភពលោក។ ទីក្រុងបុរាណមួយនេះ មានចម្ងាយប្រហែល ៤៨គីឡូម៉ែត្រ ភាគឦសាននៃទីក្រុងម៉ិកស៊ីកូ ហើយត្រូវបានដាក់បញ្ចូលជាតំបន់បេតិកភណ្ឌពិភពលោករបស់អង្គការយូណេស្កូក្នុងឆ្នាំ ១៩៨៧។

ជាមួយនឹងប្រាសាទពីរ៉ាមីតនៃព្រះអាទិត្យ និងព្រះច័ន្ទ ទីក្រុងបុរាណ Teotihuacan គឺជាគោលដៅទេសចរណ៍ដ៏ពេញនិយម ហើយជាវិមានដែលនៅរស់រានមានជីវិតនៅសម័យមុនកូឡុំប៊ី។

Teotihuacan មានន័យថា កន្លែងដែលព្រះត្រូវបានបង្កើត ហើយទីក្រុងនេះត្រូវបានបោះបង់ចោលជាច្រើនសតវត្សមកហើយ។ ប្រភពដើម ប្រវត្តិសាស្រ្ត និងវប្បធម៌របស់ទីក្រុងបុរាណ Teotihuacan ភាគច្រើននៅតែជាអាថ៌កំបាំង៕

ប្រភព៖ AFP ប្រែសម្រួលដោយ៖ ឈឹម ទីណា