បាងកក-ក្បួនដង្ហែព្រះអគ្គិជ័យកីឡា ភ្លើងគប់ស៊ីហ្គេម និងអាស៊ានប៉ារ៉ាហ្គេម បានចាប់ផ្តើមជាផ្លូវការ នៅទីក្រុងបាងកក ព្រះរាជាណាចក្រថៃឡង់ដ៏ នារសៀលថ្ងៃទី១៧ ខែមេសា ឆ្នាំ២០២៣នេះ នៅពហុកីឡដ្ឋានជាតិថៃ RAJAMANGALA ដោយមានអ្នកចូលរួមរត់ប្រមាណ ៤០០នាក់។

អញ្ជើញចូលរួមក្បួនដង្ហែនេះ មានវត្តមានឯកឧត្តម ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេស CAMSOC ឯកឧត្តម ហ៊ុន សារឿន ឯកអគ្គរាជទូតកម្ពុជាប្រចាំប្រទេសថៃ ឯកឧត្តម Dato’ Seri Chaiyapak Sirirwat អនុប្រធានគណៈកម្មាធិការជាតិអូឡាំពិកថៃ និងជាប្រធានប្រតិបត្តិសហព័ន្ធកីឡាអាស៊ីអាគ្នេយ៍ លោកឧត្តមសេនីយ៍ Vitch Devahasdin អគ្គលេខាធិការ គណៈកម្មាធិការជាតិអូឡាំពិកថៃ លោកឧត្តមសេនីយ៍ទោ Osoth Bhavilai ប្រធានសហព័ន្ធកីឡាអាស៊ានប៉ារ៉ាហ្គេម និងលោកវរសេនីយ៍ Naiyanobh Bhirombhakd ប្រធានគណៈកម្មាធិការប៉ារ៉ាឡាំពិកថៃ ផងដែរ។ ប្រភព AKP