សង្គ្រាមក្នុងប្រទេសអ៊ុយក្រែនបានបន្តទៅមុខក្នុងថ្ងៃទី៤៤០ថ្ងៃកន្លងមកនេះ ខណៈដំណោះស្រាយតាមការចរចានៅលើតុកំពុងជាប់គាំងមិនអាចចេញទៅរួចបានឡើយ។ ក្រោយថ្ងៃទី៩ ឧសភា ឆ្នាំ២០២៣ ដែលរុស្ស៊ីបានធ្វើពិធីរំលឹកខួបជ័យជំនះ៧៨ឆ្នាំរួចនោះមក, ដំណាក់កាលប្រយុទ្ធស៊ីសាច់ហុតឈាម បានវិលត្រឡប់មកវិញនៅលើសមរភូមិ។ មេដឹកនាំរុស្ស៊ី លោក វ្លាឌីមៀរ ពូទីន បានប្រាប់ទាហានដែលកំពុងប្រយុទ្ធលើសមរភូមិអ៊ុយក្រែនថា អនាគតនៃប្រទេសរុស្ស៊ី នឹងត្រូវពឹងផ្អែកលើពួកគេទាំងឡាយដែលរុស្ស៊ីចាត់ទុកថាជាវីរបុរសក្នុងការការពារមាតុភូមិរុស្ស៊ីដែលរងនឹងការចង់កម្ទេចពីក្រុមប្រទេសលោកខាងលិច។ លោក ម៉ារ យ៉ារិទ្ធិ ធ្វើសេចក្តីរាយការណ៍