(ភ្នំពេញ)៖ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ មានប្រសាសន៍ថា យុវជនត្រូវដុសខាត់សមត្ថភាព និងអភិវឌ្ឍខ្លួន ចូលរួមអភិវឌ្ឍសង្គមជាតិ ឱ្យឈានទៅរកភាពរីកចម្រើនបន្ថែមទៀតនាពេលអនាគត។

ឯកឧត្តមឧបនាយករដ្ឋមន្ត្រី សាយ សំអាល់ បានលើកឡើងបែបនេះ នៅក្នុងជំនួបជាមួយប្រតិភូសមាគមនាវាយុវជនអាស៊ីអាគ្នេយ៍កម្ពុជា នាថ្ងៃទី១៨ ខែវិច្ឆិកា ឆ្នាំ២០២៣ នៅទីស្តីការក្រសួង ។

ជាមួយគ្នានេះ ឯកឧត្តមឧបនាយករដ្ឋមន្ត្រី សាយ សំអាល់ បានបង្ហាញក្តីរីករាយនិងការសាទរ ចំពោះសមាគមនាវាយុវជនអាស៊ីអាគ្នេយ៍កម្ពុជា ដែលបានបំពេញបេសកកម្មប្រមូលផ្ដុំមូលធនមនុស្សតំណាងកម្ពុជាលើឆាកអន្តរជាតិ ដែលឆ្លើយតបទៅនឹងគោលនយោបាយយុទ្ធសាស្រ្តបញ្ចកោណរបស់រាជរដ្ឋាភិបាល លើការកសាងមូលធនមនុស្ស ដើម្បីអភិវឌ្ឍន៍ប្រទេស ៕

ដោយ / គ្រី សម្បត្តិ