(រតនគិរី )៖ នៅព្រឹកថ្ងៃទី ០៥ ខែមករា ឆ្នាំ ២០២៤ រដ្ឋបាលខេត្តរតនគិរីបានបើក កិច្ចប្រជុំសាមញ្ញលើកទី៥៥ អាណត្តិទី៣ របស់ក្រុមប្រឹក្សាខេត្ត ក្រោមអធិបតីភាព ឯកឧត្តម ណាប់ ប៊ុនហេង ប្រធានក្រុមប្រឹក្សាខេត្ត និងឯកឧត្តម ញ៉ែម សំអឿន អភិបាលនៃគណអភិបាលខេត្តរតនគិរី។

ឯកឧត្តម ប្រធានក្រុមប្រឹក្សាខេត្ត បានណែនាំឱ្យមន្ទីរនានាជុំវិញខេត្ត បន្តលើកកម្ពស់ តួនាទីភារកិច្ច ក្នុងការផ្ដល់សេវាសាធារណៈជូនប្រជាពលរដ្ឋ ឱ្យបានល្អប្រសើរ។ឯកឧត្តម ប្រធានក្រុមប្រឹក្សាខេត្ត បានវាយតម្លៃខ្ពស់ ចំពោះការខិតខំប្រឹងប្រែង រដ្ឋបាល ខេត្ត និងមន្ទីរវិស័យនានាជុំវិញខេត្តដែលបានអនុវត្តតួនាទីភារៈកិច្ចកន្លងមក ក្នងនោះដែរបានណែនាំដល់ កងកម្លាំងទាំងបី បន្តអនុវត្តគោលនយោបាយ ភូមិ ឃុំ មានសុវត្ថភាពជាពិសេសបន្តល្បាតទាំងថ្ងៃ ទាំងយប់ ដើមរក្សាសន្តិសុខ សណ្តាប់ និងសុវត្ថភាពជូនប្រជាពលរដ្ឋ ជាពិសេសបង្ការទប់ស្កាត់ ការលក់ដូ ការប្រើប្រាស់ ការចែកចាយគ្រឿងញៀននៅតាមមូលដ្ឋានភូម ឃុំ របស់ខ្លួន។

សូមបញ្ជាក់ថា កិច្ចប្រជុំសាមញ្ញលើកទី៥៥ អាណត្តិទី៣ របស់ក្រុមប្រឹក្សាខេត្ត នេះ មាន របៀបវារៈ មួយចំនួនដែលនឹងត្រូវធ្វើការពិនិត្យនិងអនុម័តរួមមាន ៖
-ពិនិត្យនិងភាក្សាអនុម័តសេចក្តីព្រាងកំណត់ហេតុលើកទី៥៤ របស់ក្រុមប្រឹក្សាខេត្ត។
-ពិនិត្យពិភាក្សានិងអនុម័តសេចក្តីព្រាងរបាយការណ៍ប្រចាំខែធ្នូ ឆ្នាំ២០២៣ និងលើកទិសដៅការងារប្រចាំខែមករាឆ្នាំ២០២៤របស់រដ្ឋបាលខេត្ត ៕

ដោយ គតិ យុត្ត