អតីតប្រធានាធិបតីអាហ្សង់ទីន លោក Alberto Fernandez ត្រូវបានចោទប្រកាន់ ពីបទកេងបន្លំថវិកាសាធារណៈ កាលពីពេលោកនៅកាន់អំណាច។

យោងតាមឯកសារដាក់បន្ទុក បង្ហាញថា លោក Fernandez ជាប់ពាក់ព័ន្ធក្នុងគម្រោងការចុះកិច្ចសន្យា បន្តផែនការធានារ៉ាប់រងសេវាសាធារណៈដល់ក្រុមហ៊ុនឯកជន ក្នុងតម្លៃខ្ពស់ ជាមួយនឹងការផ្តល់ប្រាក់លើកទឹកចិត្តសម្រាប់ឈ្មួញកណ្តាល និងមន្ត្រីពាក់ព័ន្ធ។

ជុំវិញករណីនេះ អតីតប្រធានក្រុមហ៊ុនធានារ៉ាប់រងសាធារណៈរបស់អាហ្សង់ទីន និងឈ្មួញកណ្តាល ក៏ត្រូវបានចោទប្រកាន់ ផងដែរ។

លោក ចៅក្រម Julian Ercolini ដែលទទួលបន្ទុកនេះ បានប្រាប់ថា មិនទាន់មានការសម្រេចចិត្តថា តើសំណុំរឿងនឹងដំណើរការកាត់ក្តី ឬ យ៉ាងណាងនោះទេ ប៉ុន្តែលោកបានបញ្ជាក់ថា វាត្រូវបានចេញផ្សាយ ដោយរដ្ឋអាជ្ញាសាធារណៈ។

លោក Fernandez គឺជាអតីតប្រធានាធិបតីអាហ្សង់ទីន ចាប់ពីឆ្នាំ ២០១៩ រហូតដល់ប្រគល់អំណាច ក្នុងខែធ្នូ ឆ្នាំ២០២៣ ទៅឱ្យ មេដឹកនាំថ្មីដែលសេរីនិយមជ្រុល គឺលោក Javier Milei ជាប្រធានាធិបតី ដែលដាក់ចេញបេសកកម្មចម្បង ផ្តោតលើការកាត់បន្ថយការចំណាយសាធារណៈ៕ ប្រភពពី AFP ប្រែសម្រួល៖ សារ៉ាត