ភ្នំពេញ៖ សារព័ត៌មានអន្តរជាតិ AFP ចុះផ្សាយ ពីកម្ពុជាបំបែកកំណត់ត្រាពិភពលោក «បុរសបីស្រ្តី»។

ទីភ្នាក់ងារសារព័ត៌មាន AFP បានចុះផ្សាយអំពីការបំបែកកំណត់ត្រាពិភពលោក «ហ្គីណេស» ទាក់ទងនឹងបុរសបីស្ត្រីច្រើនជាងគេបង្អស់ ក្នុងថ្ងៃទិវានារីអន្តរជាតិ ៨ មីនា។

ប្រភពបានចុះផ្សាយថា «កម្ពុជាទទួលបានកំណត់ត្រាហ្គីណេ សម្រាប់ការបីស្ត្រី ច្រើនជាងគេ..ប្រជាជនកម្ពុជារាប់រយនាក់បានបង្ហាញពីការ បីស្ត្រីដ៏ធំបំផុត ឈ្នះក្នុងសៀវភៅកំណត់ត្រាពិភពលោក Guinness»។

ប្រភពបានបន្ថែមទៀតថា «បុរសខ្មែរចំនួន ២៤៥ នាក់បានបីប្រពន្ធ ម្តាយ បងស្រី ប្អូនស្រី ឬមិត្តភ័ក្តិក្នុងពេលដំណាលគ្នា នៅក្នុងព្រឹត្តិការណ៍មួយ ដោយមានអ្នកតំណាង «ហ្គីណេស» ចាំឃ្លាំមើលផង កាលពីល្ងាចថ្ងៃសុក្រ នៅក្នុងរាជធានីភ្នំពេញ»៕ ប្រភពពី AFP ប្រែសម្រួល៖ សារ៉ាត