ភ្នំពេញ៖ នៅវេលាម៉ោង២២និង៤០នាទីថ្ងៃទី០២ ខែកក្កដា ឆ្នាំ២០១៩ កម្លាំងនគរបាលប៉ុស្តិ៍រដ្ឋបាលអូរបែកក្អម បានឃាត់ខ្លួនជនសង្ស័យចំនួន០២នាក់ ករណីរក្សាទុកដោយខុសច្បាប់នូវសារធាតុញៀន នៅផ្លូវណតប្រ៊ីត ភូមិអ័រគីដេរ សង្កាត់អូរបែកក្អម ខណ្ឌសែនសុខ។ ជនសង្ស័យទី១)ឈ្មោះ ពឹន ទីន ភេទប្រុស អាយុ២០ឆ្នាំ និង២)ឈ្មោះ ជ សីហា ភេទប្រុស អាយុ២៤ឆ្នាំ (អ្នកទាំង២ មុខរបរបើករ៉ឺម៉ក ស្នាក់នៅបន្ទប់ជួល ខណ្ឌពោធិ៍សែនជ័យ)។ ចំណែកវត្ថុតាងតាមសមត្ថកិច្ចដកហូត៖ ក្រាមសថ្លា០២កូនថង់តូច និងទូរសព្ទដៃ០១គ្រឿង។

សមត្ថកិច្ចបានឲ្យដឹងថា មុនពេលកើតហេតុ កម្លាំងល្បាតប៉ុស្តិ៍អូរបែកក្អម បានល្បាតក្នុងភូមិសាស្ត្រ ដល់ចំណុចកើតហេតុ ឃើញជនសង្ស័យកំពុងដើរតាមផ្លូវ ដោយមានការសង្ស័យសមត្ថកិច្ចបានហៅជនសង្ស័យឲ្យឈប់ ធ្វើការត្រួតពិនិត្យលើដងខ្លូនរកឃើញវត្ថុតាងខាងលើ រួចនាំខ្លួនជនសង្ស័យធ្វើការសាកសួរ នៅអធិការដ្ឋាននគរបាលខណ្ឌសែនសុខ ដើម្បីអនុវត្តន៍តាមនីតិវិធី៕ម.ន