សារព័ត៌មាន BBC បានចេញផ្សាយថា មនុស្ស៤នាក់ បានស្លាប់នៅក្នុងគ្រោះថ្នាក់ធ្លាក់យន្ដហោះខ្នាតតូចមួយគ្រឿងនៅចម្ងាយតែ៤គីឡូម៉ែត្រប៉ុណ្ណោះពីអាកាសយានដ្ឋានអន្តរជាតិ Dubai នៃប្រទេសអេមីរ៉ាតអារ៉ាប់រួម កាលពីថ្ងៃម្សិលមិញ។ ជាមួយគ្នានោះដែរ បើតាមអាជ្ញាធរអេមីរ៉ាតអារ៉ាប់រួម ជនរងគ្រោះទាំង៤នាក់ខាងលើ ក្នុងនោះរួមមានទាំងពីឡុត គឺមានសញ្ជាតិអង់គ្លេស៣នាក់ និងអាហ៊្វ្រិកខាងត្បូងម្នាក់។ ប៉ុន្តែភ្លាមៗមិនទាន់មានការបញ្ជាក់ពីមូលហេតុនៃ គ្រោះថ្នាក់នេះនៅឡើយទេ ខណៈការស៊ើបអង្កេតកំពុងធ្វើឡើង។

គួរបញ្ជាក់ថា យន្ដហោះខ្នាតតូចខាងលើជាកម្មសិទ្ធិក្រុមហ៊ុន Flight Calibration Services ដែលមានមូលដ្ឋាន នៅឯអាកាសយានដ្ឋាន Shoreham Airport នៃតំបន់ West Sussex ចក្រភពអង់គ្លេស៕ម.ន