(ភ្នំពេញ)៖ មកដល់ពេលនេះទោះបីកងទ័ពថៃឈ្លានពានបានចល័តនាវាចំនួន ៤គ្រឿងបន្ថែមទៀតមកកាន់ដែនទឹកកម្ពុជានៅខេត្តកោះកុង តែសភាពការនៅរក្សាភាពប្រក្រតី។

លោកជំទាវ មិថុនា ភូថង អភិបាល នៃគណៈអភិបាលខេត្តកោះកុងបានបញ្ជាក់នៅលើទំព័រហ្វេសប៊ុកថាគិតត្រឹមម៉ោង ៥,៣០នាទីល្ងាចថ្ងៃទី ២៦ ខែ កក្កដា ឆ្នាំ២០២៥នេះស្ថានភាពខ្សែបន្ទាត់ព្រំដែនខេត្តកោះកុង បន្តរក្សាភាពប្រក្រតីភាពជាធម្មតា។

ដោយឡែកបើតាមអ្នកនាំពាក្យក្រសួងការពារជាតិកម្ពុជាលោកជំទាវ ឧត្តម សេនីយ៍ឯក ម៉ាលី សុជាតា បានបញ្ជាក់នៅដឹងថានៅថ្ងៃទី២៦ ខែកក្កដា ឆ្នាំ ២០២៥ថានៅខេត្តកោះកុងមិនមានការប៉ះទង្គិចគ្នារវាងកងទ័ពថៃ និងកម្ពុជានោះទេ ប៉ុន្តែកងទ័ពថៃបានធ្វើការចល័តនាវាចំនួន៤គ្រឿងបន្ថែម មកតំបន់កោះមួយចំនួនរបស់កម្ពុជា ៕

ដោយ ៖ ម៉ាដេប៉ូ