(ភ្នំពេញ)៖ សំណេររបស់ក្មួយស្រី ឈឹង ឡៃឈី ដែលមកស្នាក់នៅភៀសសឹក វត្តជ្រោយនាងងួន ស្រុកស្រីស្នំ ខេត្តសៀមរាប សំណេររបស់ក្មួយស្រីធ្វើអោយគណកម្មការទាំងអស់គ្នាក្តុកក្តួលចិត្តជាខ្លាំង ។

នេះបើយោងតាមការបង្ហោះនៅលើបណ្តាញសង្គមផ្លូវការ របស់ ឯកឧត្តម ហ៊ុន ម៉ានី នៅថ្ងៃទី៨ ខែសីហា ឆ្នាំ២០២៥នេះ ។ នៅក្នុងសំណេរនិង របស់ក្មួយស្រី ឈឹង ឡៃឈី ដែលមកស្នាក់នៅភៀសសឹក វត្តជ្រោយនាងងួន ស្រុកស្រីស្នំ ខេត្តសៀមរាប បានលើកឡើងពីការថ្លែងអំណរគុណដល់ព្រះគ្រូចៅអធិការវត្តជ្រោយនាងនួន និង លោក លោកមីង អាជ្ញាធរ ឃុំ សង្កាត់ ដែលបានមើលថែ និងផ្គត់ផ្គង់ដល់ក្មួយស្រី និងក្រុមគ្រួសារភៀសសឹកទាំងអស់ យ៉ាងយកចិត្តទុកដាក់ ។

ក្នុងសំណេរពីក្មួយស្រីវ័យ ១១ឆ្នាំរូបនេះ ក៏បានលើកឡើងផងដែរថា «កម្ពុជាឈ្នះៗ ពួកយើងត្រូវការសុខសន្តិភាព អរគុណសម្តេចតេជោ ហ៊ុន សេន និងសម្តេចអ៊ុ ហ៊ុន ម៉ាណែត » អគុណសន្តិភាព មានសន្តិភាពមានអ្វីៗទាំងអស់ ៕

ដោយ ៖ ង៉ាន់ ទិត្យ