កៀវ ៖ មេដឹកនាំអ៊ុយក្រែន លោក ហ្សេលែនស្គី បានអះអាង កាលពីថ្ងៃទី១២ ខែកញ្ញា ថា ប្រធានាធិបតីរុស្ស៊ី លោក ពូទីន នៅតែចង់កាន់កាប់អ៊ុយក្រែន ទាំងមូល។

អំឡុងសន្និសីទមួយ នៅក្នុងទីក្រុង កៀវ ប្រធានាធិបតីអ៊ុយក្រែន លោក Volodymyr Zelensky បាននិយាយថា «គោលដៅ របស់លោកពូទីន គឺដើម្បីកាន់កាប់អ៊ុយក្រែនទាំងអស់ ហើយ មិនថា គាត់ប្រាប់នរណាក៏ដោយ វាច្បាស់ណាស់ថា គាត់បានកំណត់ ម៉ាស៊ីនសង្រ្គាម ក្នុងកម្រិតមួយ ដែលគាត់ មិនអាចបញ្ឈប់វាបាន លុះត្រាតែ គាត់ត្រូវបានគេបង្ខំ ឱ្យផ្លាស់ប្តូរគោលដៅ ជាមូលដ្ឋាន របស់គាត់ បែបនេះ»។

ជាការកត់សម្គាល់ កិច្ចខិតខំប្រឹងប្រែងការទូត របស់ប្រធានាធិបតីអាមេរិក ដើម្បីទទួលបានកិច្ចព្រមព្រៀងសន្តិភាព ហាក់ដូចជា ជាប់គាំង។ លោក ពូទីន បានបង្ហាញពីទំនោរតិចតួច ក្នុងការយល់ព្រម ចំពោះកិច្ចប្រជុំពីរផ្លូវ ដែលលោក Trump បាននិយាយថា លោកកំពុងរៀបចំ ជំនួប រវាងមេដឹកនាំរុស្ស៊ី និងអ៊ុយក្រែន។

ទន្ទឹមនឹងនេះ លោក Trump នៅតែមិនច្បាស់លាស់ អំពីអ្វីដែលលោកនឹងត្រូវធ្វើ ប្រសិនបើ លោក Putin ខកខាន ក្នុងការលេងបាល់ ដោយលោកចង់សំដៅ លើការដឹកនាំកិច្ចចរចា បញ្ចប់សង្គ្រាម៕

ប្រភពពី AFP ប្រែសម្រួល ៖ សារ៉ាត