កំពង់ធំ៖ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ អនុប្រធានអចិន្ត្រៃយ៍​នៃគណៈ​កម្មការការពារ ទប់ស្កាត់ និងបង្ក្រាបបទល្មើសធនធានធម្មជាតិខេត្តកំពង់ធំសហការជាមួយខណ្ឌរដ្ឋបាល​ជលផល​កំពង់ធំបានអញ្ជើញផ្សព្វផ្សាយច្បាប់ស្ដីពីជលផលក្នុងរដូវបើកនេសាទ និងពង្រឹងវិធានការការពារទប់ស្កាត់ និងបង្ក្រាប​បទល្មើសនេសាទខុសច្បាប់ឃុំក្រសាំង ខ ស្រុកកំពង់ស្វាយ ខេត្តកំពង់ធំ ដល់ប្រជានេសាទកាលពីព្រឹកថ្ងៃទី២ ខែតុលា ឆ្នាំ២០២៥ ។

ក្នុងឱកាសនេះមន្រ្តីខណ្ឌរដ្ឋបាលជលផលកំពង់ធំបានផ្សព្វផ្សាយច្បាប់ស្ដីពីជលផល និងការណែនាំស្ដីពីការ​ប្រើប្រាស់​ឧបករណ៍នេសាទ ក្នុងរដូវបិទនិងរដូវបើកនេសាទ ដែលប្រជានេសាទទាំងអស់ រួមជាមួយនឹង​ប្រជាពលរដ្ឋ​ត្រូវរួម​គ្នាអនុវត្តតាមច្បាប់ស្តីពីជលផលដែលរដ្ឋសភាជាតិបានអនុម័ត និង ទើបបានដាក់ឱ្យប្រើប្រាស់ជាផ្លូវការ​នៅពេល​ថ្មីៗនេះ ។

ឧត្តមសេនីយ៍ទោ សោម ស៊ុន បានអគុណដល់ប្រជានេសាទមួយចំនួនធំ ដែលកន្លងមកបានចូលរួមអនុវត្ត​តាមការ​ណែនាំ​របស់ប្រមុខរាជរដ្ឋាភិបាល និងជំនាញមានសមត្ថកិច្ច ក្នុងការប្រើប្រាស់ឧបករណ៍នេសាទបានត្រឹមត្រូវ តែ​ក៏នៅមានប្រជានេសាទយើងមួយចំនួន នៅតែលបលួចដាក់ប្រើប្រាស់ឧបករណ៍នេសាទ​ខុសច្បាប់​ដែលធ្វើឱ្យ​ប៉ះពាល់​យ៉ាងធ្ងន់ធ្ងរដល់ធនធានមច្ឆជាតិ ។ឯកឧត្តមក៏បានកោតសរសើរកងកម្លាំងចម្រុះ ដែលបានរួមគ្នា​ក្នុងការ​បង្ក្រាប​បទល្មើសនេសាទខុសច្បាប់ ក្នុងរដូវហាមឃាត់ទទួលបានលទ្ធផលល្អប្រសើរ ៕

ដោយ៖ ប៊ុន រដ្ឋា