(ខេត្តសៀមរាប)៖ ឯកឧត្តម អ៊ឹង សុខឧត្តម ទីប្រឹក្សាក្រសួងប្រៃសណីយ៍និងទូរគមនាគមន៍ (ក.ប.ទ.) លោកជំទាវ ទូច សុផារត្ន អនុរដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ និង ឯកឧត្តម CHEN Cong អគ្គទីប្រឹក្សានៃស្ថានទូតសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា នៅថ្ងៃទី១២-១៣ ខែវិច្ឆិកា ឆ្នាំ២០២៥ បានអញ្ជើញជាអធិបតីក្នុងវេទិកាសន្តិសុខបច្ចេកវិទ្យាគមនាគមន៍និងព័ត៌មាន និងលំហាត់សមយុទ្ធមេគង្គ-ឡានឆាង (Mekong-Lancang Cybersecurity Forum and Cyber-Drill) នៅសណ្ឋាគារអង្គរមិរ៉ាខល ខេត្តសៀមរាប ព្រមទាំងមានការអញ្ជើញចូលរួមពីមន្រ្តីជំនាញតំណាងស្ថាប័នរដ្ឋនៃប្រទេសកម្ពុជា ឡាវ មីយ៉ាន់ម៉ា និងវៀតណាម សរុបប្រមាណ ៣៥រូប។

វេទិកានេះរៀបចំឡើងក្រោមការគាំទ្រពីមូលនិធិពិសេសនៃកិច្ចសហប្រតិបត្តិការមេគង្គ-ឡានឆាង ក្នុងគោលបំណងចែករំលែក និងពង្រឹងចំណេះដឹងទៅលើយុទ្ធសាស្ត្រសន្តិសុខសាយប័ររវាងបណ្ដាប្រទេសមេគង្គ-ឡានឆាង រួមមានការឆ្លើយតបការគំរាមកំហែង ឬឧប្បត្តិហេតុសាយប័រ និងការអនុវត្តលំហាត់សមយុទ្ធ៕

ដោយ ៖ ង៉ាន់ តិត្យ