“គោលបំណងនៃការប្រារព្ធពិធីបុណ្យឯករាជ្យជាតិ”
– រំលឹកដល់ថ្ងៃជាប្រវត្តិសាស្ត្រ: ដើម្បីចងចាំ និងរំលឹកដល់ថ្ងៃដ៏សំខាន់ដែលប្រទេសកម្ពុជាបានដណ្ដើមបានឯករាជ្យពេញលេញពីអាណានិគមបារាំង ៩/វិច្ឆិកា/១៩៥៣ បន្ទាប់ពីការដាក់អាណានិគមអស់រយៈពេលប្រហែល ៩០ ឆ្នាំ។
– រំលឹកនឹកគុណដល់ព្រះរាជបូជនីយកិច្ច: ដើម្បីគោរព និងរំលឹកនឹកដល់ស្នាព្រះហស្តដ៏ឧត្តុង្គឧត្តមរបស់ ព្រះបរមរតនកោដ្ឋ ដែលបានដឹកនាំព្រះរាជបូជនីយកិច្ចទាមទារឯករាជ្យជូនជាតិមាតុភូមិដោយជោគជ័យ រហូតព្រះអង្គត្រូវបានថ្វាយព្រះកិត្តិនាមថាជា “ព្រះមហាវីរបុរសជាតិ – ព្រះបិតាឯករាជ្យជាតិ”។
– លើកកម្ពស់មោទកភាពជាតិ និងអធិបតេយ្យភាព: ដើម្បីបង្ហាញពីជោគជ័យរបស់ប្រជាជាតិខ្មែរក្នុងការរួចផុតពីនឹមអាណានិគម និងពង្រឹងស្មារតីស្នេហាជាតិ និងភាពជាម្ចាស់ទឹកដី។
– លើកស្ទួយការរួបរួមជាតិ: ជាឱកាសសម្រាប់ប្រជាពលរដ្ឋខ្មែរគ្រប់មជ្ឈដ្ឋានរួមគ្នាអបអរសាទរ និងបង្ហាញពីសាមគ្គីភាពជាតិ។
– ជាប្រភពបំផុសគំនិត: ជំរុញឱ្យប្រជាពលរដ្ឋ ជាពិសេសយុវជន ឱ្យចងចាំនូវការលះបង់របស់បុព្វបុរស និងបន្តខិតខំកសាងប្រទេសជាតិឆ្ពោះទៅរកភាពរីកចម្រើន និងវិបុលភាព។
រូបភាពក្បួនព្យុហយាត្រាក្នុងព្រះរាជពិធីបុណ្យឯករាជ្យជាតិ ក្នុងឆ្នាំ១៩៥៦
___________
ស្រាវជ្រាវដោយ: សច្ចធម៌ប្រវត្តិសាស្ត្រ
#សច្ចធម៌ប្រវត្ដិសាស្រ្ដ#ព្រះរាជាណាចក្រកម្ពុជា#ឥស្សរជនឆ្នើមកម្ពុជា#សម្ដេចព្រះនរោត្តមសីហនុ#ព្រះបរមរតនកោដ្ឋ
