ភ្នំពេញ៖ មនុស្ស១៣នាក់ រួមនឹងមាន់ជល់ជាច្រើនក្បាល ត្រូវបានកម្លាំងនគរបាលព្រហ្មទណ្ឌកម្រិតស្រាលឃាត់ខ្លួន ពេលកំពុងនាំគ្នាប្រមូលផ្តុំបញ្ជល់មាន់ភ្នាល់គ្នាដាក់លុយហ៊ោកញ្ជៀវ កាលពីម៉ោង១២ថ្ងៃទី៧ ខែមេសា ឆ្នាំ២០១៩ ស្ថិតនៅសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។

ប្រត្តិបត្តិការចុះទៅបង្រ្កាបនេះ ដឹកនាំដោយលោកវរសេនីយ៍ឯក ប៊ុត សត្យា ប្រធានការិយាល័យព្រហ្មទណ្ឌកម្រិតស្រាលរាជធានីភ្នំពេញ។ ជាលទ្ធផលសមត្ថកិច្ច ឃាត់ខ្លួនបានមនុស្ស១៣នាក់ មាន់ជល់ជាច្រើនក្បាល និងដកហូតម៉ូតូមួយចំនួន។ បច្ចុប្បន្នក្រុមញៀនល្បែង រួមនឹងវត្ថុតាង ត្រូវបានបញ្ជូនទៅកាន់ការិយាល័យព្រហ្មទណ្ឌកម្រិតស្រាលស្នងការនគរបាលរាជធានីភ្នំពេញ ដើម្បីចាត់ការតាមនីតិវិធី៕ម.ន