ភ្នំពេញ៖ ពិធីបុណ្យតន្រី្ត EDM នៅសណ្ឋាគារកាំបូឌីយ៉ា កាលពីចុងសប្តាហ៍មុននេះ ដែលជាកម្មវិធីបង្កើតឡើងដើម្បីអបអរសាទរដល់ការប្រារព្ធខួបលើកទី៩ នៃស្រាបៀរ Heineken នៅកម្ពុជា បានបិទបញ្ចប់ទៅដោយភាពរីករាយ និងទទួលបាននូវការគំាទ្រយ៉ាងខ្លាំងពីសំណាក់អតិថិជន។

តំណាងក្រុមហ៊ុនស្រាបៀរ Heineken បានបញ្ជាក់ឱ្យដឹងថា ដោយទទួលបានលទ្ធផលល្អនៃកម្មវិធីនេះ ស្រាបៀរ Heineken មានគោលបំណងនាំយកតារាមានទេពកោសល្យជាច្រើនដើម្បីច្របាច់បញ្ចូលគ្នាជាមួយនឹងបទពិសោធន៍តន្ត្រីជាច្រើន រួមទាំងការសម្តែងនៅលើឆាកដោយតារាមានទេពកោសល្យដ៏អស្ចារ្យ។ តំណាងក្រុមហ៊ុនដដែលបន្ថែមទៀតថា ការចូលរួមរបស់ទស្សនិកជន និងសិល្បករនៅតែជាកត្តាចម្បងដែលបានជំរុញឲ្យពិធីបុណ្យតន្ត្រីកាន់តែអធឹកអធម ហើយថា ដោយទទួលបានអត្ថប្រយោជន៍ពីវេទិកាតន្ត្រីធំៗទូទាំងពិភពលោក ស្រាបៀរ Heineken  ក៏អាចផ្តល់ជូនភាពសប្បាយរីករាយ និងការសម្តែងប្លែកអស្ចារ្យជូនទស្សនិកជននៅកម្ពុជាផងដែរ។

ជាមួយគ្នានេះ តំណាងក្រុមហ៊ុនស្រាបៀរ Heineken បានថ្លែងលើកទឹកចិត្ត និងអរគុណចំពោះការគាំទ្ររបស់អតិថិជនទំាងអស់ ហើយសន្យាថា នឹងផ្តល់ជូនកម្មវិធីដ៏ល្អអស្ចារ្យហួសពីការរំពឹងទុកថែមទៀតមកកាន់ប្រទេសកម្ពុជា៕ម.ន