ឧកញ៉ា គិត ធាង ម្ចាស់មជ្ឈមណ្ឌលកម្សាន្តរ៉ុក ត្រូវសមត្ថកិច្ចចាប់ខ្លួនហើយ ពាក់ព័ន្ធនឹងគ្រឿងញៀន
ភ្នំពេញ៖ បើយោងតាមប្រភពព័ត៌មានច្បាស់ការណ៍មួយ បញ្ជាក់ថានៅព្រលប់ថ្ងៃទី១១ ខែមីនា ឆ្នាំ២០១៩ នេះថា សមត្ថកិច្ចបានចាប់ខ្លួនញ៉ា គិត ធាង ម្ចាស់មជ្ឈមណ្ឌលកម្សាន្តរ៉ុក បញ្ជូនទៅស្នងការដ្ឋាននគរបាលរាជធានី ដេីម្បីសាកសួរពាក់ព័ន្ធករណីគ្រឿងញៀនដ៏ច្រើនសម្បើម។ ក្នុងការចាប់ខ្លួនឧកញ៉ា គិត ធាង ក្នុងភូមិគ្រឹះក្នុងខណ្ឌទួលគោកនេះ បន្ទាប់ពីសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ប្រកាសបញ្ជាឱ្យស្រាវជ្រាវ ស៊ើបអង្កេត ដល់ឫសគល់ពាក់ព័ន្ធមេខ្លោង និងអ្នកនៅពីក្រោយនៃអំពើជួញដូរគ្រឿងញៀនដ៏ធំសម្បើមរបស់មជ្ឈមណ្ឌលកម្សាន្តរ៉ុក។ សម្តេចតេជោ បានសង្កត់ធ្ងន់ថា “យើងមិនអាចអត់ឱនឱ្យបានឡើយ”។
ប្រសាសន៍សម្តេចតេជោ ធ្វើឡើងក្នុងប្រគល់សញ្ញាបត្រដល់និស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ជាង៣ពាន់នាក់ នៅមជ្ឈមណ្ឌលកោះពេជ្រ។ តែទោះបីយ៉ាងណា នៅពេលនេះ គេពុំទាន់អាចសុំការបញ្ជាក់បន្ថែមពីសមត្ថកិច្ចពាក់ព័ន្ធបាននៅឡើយទេ ហើយក្រុមការងារយើងនឹងបន្តលម្អិតនៅពេលក្រោយ៕
