អូស្រា្តលី៖ រដ្ឋាភិបាលអូស្ត្រាលី បានអះអាងនៅថ្ងៃច័ន្ទនេះថា ក្រុម Hacker បានលួចយកទិន្នន័យពីគណបក្សនយោបាយ និងទិន្នន័យសំខាន់ៗរបស់រដ្ឋសភា របស់អូស្រា្តលី ក្នុងអំឡុងពេលប៉ុន្មានសប្តាហ៍កន្លងមកនេះ នៅមុនពេលបោះឆ្នោត។

ថ្លែងប្រាប់សមាជិកសភា នាយករដ្ឋមន្រ្តីអូស្រា្តលីលោក Scott Morrison បានគូសបញ្ជាក់ថា ក្រុមអ្នកស៊ើបអង្កេតកំពុងសម្លឹងរកមើលការលួចចូលប្រព័ន្ធកុំព្យូទ័រ ដែលបានបង្ហាញកាលពី២សប្តាហ៍មុន បានឲ្យដឹងថា បណ្តាញនៃគណបក្សនយោបាយមួយចំនួនត្រូវបានគេរំលោភបំពាន ។ នាយករដ្ឋមន្រ្តីអូស្រា្តលីរូបនេះ បានបន្ថែមថា អ្នកជំនាញការខាងអ៊ីនធើណិតរបស់យើងជឿជាក់ថា ក្រុមដែលមានសកម្មភាពដ៏ស្មុគស្មាញជាអ្នកទទួលខុសត្រូវ ចំពោះសកម្មភាពដ៏គ្រោះថ្នាក់នេះ។ បើតាមភ្នាក់ងារសន្តិសុខអូស្ត្រាលីបាននិយាយថា ពួកគេមិនបានដឹងថា នរណានៅពីក្រោយនៃការវាយប្រហារនេះ ឬក៏គោលបំណងរបស់ពួកគេនោះទេ៕ម.ន